【聲明】港生活網站並無進行電話推廣活動

儲惠康「笑印」 低至免費換煮食餐具

發佈時間: 2022/08/29

疫情下大家都多咗留喺屋企煮飯仔,黛安收到公關姊妹報料,惠康即日起至11月24日會推出新一輪「笑印」活動,只要買滿$60即可獲笑印一個,儲夠最少30個或以指定yuu會員積分,即可免費換領或以低至23折換購限量小家電及餐具。

今次獨家換購活動包括康寧鍋7款產品,例如喺法國製造、容量分別3.25及2公升嘅雙耳鍋,佢哋採用唔易碎、有效抗污嘅Pyroceram,能均勻快速加熱食物,適用於微波爐、焗爐、雪櫃同洗碗機等,大家只要用12萬yuu會員積分即可免費換3.25公升雙耳鍋;或以320個笑印免費換2公升雙耳鍋,亦可憑30個笑印或指定yuu積分再加錢換購。

另外,可供換購嘅仲有簡單易用嘅章魚燒機同三文治窩夫機,只要用30個笑印分別加$180或$320就可以換到;另有多款圓碟及湯碗套裝開放換購,各款產品數量有限,換完即止,有興趣就要快手換購喇。

撰文: 黛安 消息特靈八卦公關
欄名: 八卦名利場