【聲明】港生活網站並無進行電話推廣活動

昂坪360下月「秋日花燈祭」 即日起4折訂票或產品

發佈時間: 2022/08/29

每年中秋節,黛安都會約埋親友團聚過節。公關姊妹話,昂坪市集下月1日至18日將舉行「昂坪秋日花燈祭」,仲會推出特別優惠,即日起至下月2日,可以喺官網以低至4折預訂纜車門票或產品,例如以$98大小同價預購來回標準纜車車票;喺官網買指定優惠滿$360額外減$60等。

今次花燈祭除咗有專上學院視覺藝術教育學系學生親手繪畫嘅圓形花燈外,特設嘅「心心相印心願亭」就會掛滿粉色系心形花燈,菩提許願樹亦會掛滿特色手繪燈籠;另有配合模擬大澳夜景、締造特別視覺效果嘅「閃爍生光半月椅」,打卡影相好靚㗎。市集亦設有燈謎遊戲,完成者更可參加抽獎,贏取豐富獎品。

此外,昂坪360將喺指定日子邀請藝術團體「大澳非茂里」舉辦工作坊,教大家製作手繪燈籠等,只要憑即日昂坪360纜車門票、並喺昂坪市集任何商戶消費最少$50即可參加,名額先到先得。

撰文: 黛安 消息特靈八卦公關
欄名: 八卦名利場