【聲明】港生活網站並無進行電話推廣活動

撞衫風波 造型師失言犯眾憎 許廷鏗代向C AllStar道歉

發佈時間: 2022/08/29

林家謙的七場紅館騷昨晚圓滿結束,近日第二場嘉賓、C AllStar成員吳崇銘(King),被發現與第四場嘉賓許廷鏗(Alfred)撞衫。兩位當事人毫不介意,但Alfred造型師的惹火言論引發一場撞衫風波。Alfred代造型師公開向King道歉︰「造型師係我團隊,我絕對有責任﹗」。

在林家謙演唱會上,嘉賓Alfred與C AllStar的King隔空撞衫,Alfred的造型師在IG限時動態發布︰「我製造咗一個史詩級錯誤,Sorry,因為我對C AllStar完全無興趣,無聽佢哋嘅歌,更加唔會留意佢哋,亦都完全唔知佢哋係嘉賓,我依然覺得牙鏗(許廷鏗)着得好睇好多。」被網民狂轟無禮又輕佻。

林家謙林宥嘉隔空對唱

前晚Alfred演出新城台慶音樂會,提及撞衫一事時表示︰「係King着先(衫),我都有啲唔好意思。(造型師失言引發公關災難?)我確實要講聲對唔住,因為佢(造型師)係我團隊嘅﹗」他表示會訓示造型師要多聽廣東歌︰「佢鍾意MC張天賦嘅歌,我會介紹埋佢聽C AllStar嘅歌,叫佢多留意香港歌手同廣東歌。」其後,他在社交網發文致歉︰「我絕對有責任代團隊,對King及C AllStar帶來任何冒犯或不便,好好的講一聲對不起。」昨晚,King亦在IG笑言撞衫無問題:「我覺得大家都着得好好睇㗎,我仲希望可以同許廷鏗喺同一個台上邊撞歌!」

另外,前晚林家謙舉行第六場個唱,他帶了愛犬Waffle登上紅館舞台,好友Tyson Yoshi、Serrini任嘉賓。全晚最驚喜的是家謙邀得台灣歌手林宥嘉隔空連綫,並合唱《壞與更壞》及《飛》,掀起全晚高潮。

撰文︰Steven

美術︰悠然

撞衫風波 造型師失言犯眾憎 許廷鏗代向C AllStar道歉

Alfred與King(圖)撞衫,被網民取笑似穿了病人服。(資料圖片)

撞衫風波 造型師失言犯眾憎 許廷鏗代向C AllStar道歉

Alfred無辜成箭靶,前晚特地為造型師失言拆彈。

撞衫風波 造型師失言犯眾憎 許廷鏗代向C AllStar道歉

林家謙愛犬Waffle首踏紅館,表演當眾遛狗。

撞衫風波 造型師失言犯眾憎 許廷鏗代向C AllStar道歉

身在紅館的林家謙與林宥嘉隔空合唱,為樂迷送上驚喜。

撞衫風波 造型師失言犯眾憎 許廷鏗代向C AllStar道歉

好友Tyson Yoshi前晚任嘉賓。