古天樂(古仔)擔任總監製兼主演的港產科幻片《明日戰記》上映短短四日,昨日票房已衝破2,000萬港元。古仔早前講笑稱買票入場的觀眾就是「古太」,他連日馬不停蹄到戲院謝票,出心出力催谷票房,更呼籲觀眾︰「希望大家鍾意呢部電影,請睇多幾次,或介紹朋友睇。」
同場加映:林家謙自嘲「手語式」跳舞 意外後開騷有壓力 機關人性化
《明日戰記》上周四在港上映,周日的單日票房高收600萬港元;截至昨日累積票房錄得近2,200萬元,氣勢凌厲。古天樂除了拍片答謝港人支持外,前日他率領導演吳炫輝、戲中演員姜皓文、吳肇軒、胡子彤及張文傑,以及電影主題曲《明日之明日》主唱者陳毅燊(ANSONBEAN)及COLLAR成員陳泳伽(Winka)等,走訪本港油尖旺多間戲院謝票。此外,與古仔亦師亦友的杜琪峯(杜Sir)更包場支持《明》片,洪金寶、林雪等親身撑場,古仔與吳炫輝於謝票前更開香檳慶祝佳績。
古仔等人甫進入戲院,全場觀眾即時觀呼,有部分場次的女觀眾舉起「我係古太」應援物,而男觀眾則自稱「前夫」力撑古仔。古仔感謝場內一班「古太」︰「好似開演唱會咁,好多謝大家支持,喺度多謝咁多位古太,希望大家鍾意呢部電影,睇看幾次或介紹朋友睇。」他又特別鳴謝杜琪峯︰「《明日戰記》嘅誕生或多或少都同杜Sir有關,因為佢嘅一番說話,我先開始成立自己公司,但唔係由電影公司開始,而係特效公司。」
古仔透露,有次他與杜Sir出席外國影展後吃飯,杜Sir跟他說︰「我哋一定要製作屬於自己嘅香港電影,要靠特技嘅戲。」古仔聽罷呆了一呆,但杜Sir指出未來電影必須有特技,古仔才開始逐步計劃開拍《明》片。昨日他誠懇道︰「多謝杜Sir。」杜琪峯聞言亦感觸說︰「我的確覺得未來電影好多元化,尤其特技上嘅發展係無窮,銀幕上將會出現好多大家意想不到嘅事物。」另一方面,一班香港藝人如黃宗澤(Bosco)、黎諾懿、高海寧及森美等今日亦上載入戲院睇《明》片的打卡相,Bosco更搞鬼稱︰「我做咗古太,你做咗未?」身體力行支持古仔。
撰文:梁紹明