星光路上｜張頴康當年入行拒走「捷徑」選港男 感激麥雅緻撐追夢：佢話屋企等佢頂

入行超過20年的張頴康早前接受無綫娛樂新聞台《星光路上》主持人潘盈慧訪問，大談由「劉德華契仔」到做演員的心路歷程及辛酸史。一直抱住「當一個沉實演員」心態的張頴康，多年來堅持不走「捷徑」、默默耕耘，終於在2016年勇奪「飛躍進步男藝員」殊榮；之後逐漸受重用，演技備受肯定。

{{hket:inline-image name="2.jpg"}}{{/hket:inline-image}}

同場加映：痞子殿下丨周嘉洛劇接劇零假期猝睡嚴重 努力增值望配得上「最佳男配角」

{{hket:ul-video id="6426"}}{{/hket:ul-video}}

張頴康透露入行是因為中學時期一次機緣巧合下，去了劉德華（華仔）公司經理人部門面試，他笑謂當時完全被華仔「靚仔樣」分散了注意力：「第一次見佢心諗『嘩，個鼻好靚呀！』，嗰時我真係聽唔到佢講咩，因為剩係留意住佢個樣。」他續指之後雖成功簽約成為華仔旗下藝人，並獲得培訓兼出歌機會，可惜卻因自己欠缺天分打消闖樂壇念頭，並轉投影視圈。

{{hket:inline-image name="3.jpg"}}{{/hket:inline-image}}

張頴康表示當年加入TVB有兩條路，一條是「捷徑」由華仔提名《香港先生選舉》，另一條是報讀藝訓班，踏實的張頴康選擇了後者：「雖然慢啲，但我做演員想從頭嚟過、踏踏實實去做。」談到辛酸史，張頴康透露入行初期雖已憑馬來西亞電影《太陽雨》登上威尼斯影展紅地氈，可惜回港後依然備受冷待，出演角色連對白也沒有：「嗰時都叫做代表香港去，之後返嚟又係做啲街坊角色，有啲難受，我冇諗過真係一、兩句對白都冇……」

{{hket:inline-image name="4.jpg"}}{{/hket:inline-image}}

在2010年，為與麥雅緻（Angie）成家立室，張頴康曾一度轉行做來往中港的廠佬，更不幸遇上車禍。不過這次意外反而令他回想起做演員的夢想，與麥雅緻商討後，他決心返回無綫，「佢仲話屋企等佢嚟頂！」及後他就遇上《回到三國》「范根」這個讓其人生踏上轉捩點的重要角色。

張頴康重回TVB後，有不少代表作，之後逐漸受重用，於《痞子殿下》、《換命真相》、《逆天奇案》等劇集中都有不錯的發揮機會，演技備受肯定。被問到現在目標是甚麼？他坦言：「梗係想做男一，我仲排緊隊……係有呢個目標，向住呢個方向努力，萬一冇都唔會執著……而家係諗點樣喺每一個角色再創造啲新嘅嘢。」

多年來飽受銀屑病（慢性皮膚疾病）煎熬的張頴康，幸得老婆陪伴「打呢場仗」，他更隔空向老婆大派愛的宣言：「冇佢就唔會有我，而家可以擁有一個家庭、可以無憂無慮地去做自己鍾意嘅嘢，都要多謝我太太。」

{{hket:inline-image name="13.jpg"}}{{/hket:inline-image}}

痞子殿下｜陳嘉佳敷面1/3皮膚露出被嘲臉大 陳瀅驚變小寶 張頴康接受唔到？【下一頁】

撰文：林惠珊