單文柔囡囡小豬比爆喊要媽媽唔要爸爸 拒絕錫陳展鵬啜面後嫌棄抹嘴

陳展鵬同洪永城、吳若希、戴祖儀及吳業坤等，最近返內地拍攝新劇《香港人在北京》，為了不想錯過3歲女兒「小豬比」陳諾瑤（Quinta）的成長，陪酒左右，於是叫太太單文柔一齊北上，一家三個人日對夜對。網上不時見到兩公婆分享近況，單文柔在IG上載最新的片段，陳展鵬被他的「前世情人」小豬比收服得貼貼服服，相當搞笑。

{{hket:inline-image name="09011002.jpg"}}{{/hket:inline-image}}

{{hket:inline-image name="09011001.jpg"}}{{/hket:inline-image}}

同場加映：痞子殿下丨周嘉洛劇接劇零假期猝睡嚴重 努力增值望配得上「最佳男配角」

{{hket:ul-video id="6426"}}{{/hket:ul-video}}

單文柔這次分享的親子片段不足1分鐘，畫面一開始就見到她狂奔，小豬比從後追逐，一邊喊一邊嗌媽媽，聲音相當淒涼，始終步速不及大人，惟有回頭向爸爸陳展鵬求救：「我......要媽咪......」陳展鵬即時爆Man上前說：「唔緊要，爸爸救你，爸爸係你嘅英雄，係唔係？」正當以為可以成功𠱁到寶貝女，小豬比仍是喊住講：「我要媽咪！」爸爸勁無奈，不知如何是好。

完成隔離丨吳若希戴祖儀齊齊保護神秘人？ 陳展鵬單文柔出關帶小豬比遊園【下一頁】

兩父女之後玩兒童退熱貼，陳展鵬叫女兒畀反應，小豬比完全遺傳了爸爸的演技基因，帶點敷衍地拍幾下手掌仔，十分得戚。此時，單文柔不小心撞到老公時，陳展鵬向女兒炫耀視帝級演技，瞪眼大叫：「媽咪打我！」單文柔就笑笑口叫小豬比錫爸爸一啖補數，小豬比竟然轉channel答：「No！」擰轉頭唔望爸爸，勁有主見。

{{hket:inline-image name="09011003.jpg"}}{{/hket:inline-image}}

{{hket:inline-image name="284911258_2266331413526119_6330169068163580707_n.jpg"}}{{/hket:inline-image}}

單文柔帶小豬比遊迪士尼被放電 陳展鵬畀囡囡騎膊馬父愛「爆鵬」【下一頁】

緊接的劇情可謂峰迴路轉，鏡頭見到小豬比好乖錫爸爸，陳展鵬卻貪心要求錫多一啖，當場換來小豬比冷淡回應：「唔得！我唔願意！」並轉身行開幾步，雙手交叉扮嬲，不想爸爸觸碰，十分惹笑。最後還是要媽咪出馬，單文柔錫完小豬比再叫她錫爸爸，女兒才免為其難......但隨即用雙手抹嘴，陳展鵬見狀也不知好嬲定好笑。

（↓點擊放大睇圖片↓）

單文柔在網上表示：「最近papa好落力要得到豬比嘅歡心，唔放過任何機會，可惜『落力為你好，得不到分數』（方力申、鄧麗欣合唱歌《好心好報》歌詞），我真係唔介意阿女鍾意papa多啲。」網民睇完這段片睇得勁開心，紛紛留言：「爸爸好慘」、「爸爸的無奈」、「小豬比好有性格好搞笑，但係就傷透了爸爸嘅心」、「嗰吓No心都碎」及「媽媽好放心」等。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】