海港城首3季開逾70家新店 新旗艦店進駐

海港城不時有新搞作，近年不斷推出優惠活動刺激循環消費，配合埋唔同嘅主題活動及展覽等，吸引唔少人流、車流。黛安聽聞，今年1至8月海港城喺周末及假日嘅人流及車流，比去年同期平均增加10%；今年首3季更有逾70家新店喺海港城開業，料全年共有近100家新店進駐，其中海港城廣東道嘅名店街更成為焦點。

繼去年Hermès及Salvatore Ferragamo喺海港城廣東道開設全新旗艦店，面積近萬呎嘅DIOR旗艦店及Miu Miu全新概念精品店，今年亦會喺廣東道開業。另有兩個矚目國際品牌Piaget及Van Cleef & Arpels，稍後都會喺廣東道開幕。另外，海港城亦雲集逾90家食肆，每家餐廳各具特色，自1月至今，商場已引入近10家全新海外及本地人氣特色餐飲店，仲有唔少餐廳及期間限定店會陸續登場，黛安都好期待啊。