袁偉豪玩IG直播遭網民嘲諷外表老 張寶兒讚老公逆齡：佢係全心全意嘅好男人

張寶兒（Bowie）昨日凌晨在IG開直播，身在酒店隔離檢疫的老公袁偉豪（Ben）忽然亂入，兩夫妻公然放閃。現年41歲的Ben盡訴心中情，自爆今年初拍劇壓力大而脫髮；直播期間有網民踩他又老又殘，愛夫心切的Bowie大激讚老公狀態好，昨晚回應《晴報》時更稱：「我識佢時，佢已經係我好欣賞嘅藝人，亦係一個全心全意嘅好男人！」

同場加映：林家謙自嘲「手語式」跳舞 意外後開騷有壓力 機關人性化

{{hket:ul-video id="6428"}}{{/hket:ul-video}}

{{hket:inline-image name="005.jpg"}}{{/hket:inline-image}}

{{hket:inline-image name="0000.jpg"}}{{/hket:inline-image}}

張寶兒昨日凌晨在IG直播近兩小時，而剛從澳洲回港的袁偉豪正身處隔離酒店檢疫，他亦加入直播，與老婆隔空傾心事。期間，有網民留言指Ben老了不少，他笑言出道超過20年，樣子必然會變老。至於Bowie聞言回應老公道：「有人話你老，我想講老係正常，點解老唔值得欣賞？後生嘅人有活力，老咗就有人生閱歷，又沉穩又有睿智，更值得欣賞！」她指老公18年瘋狂減磅扮演《鐵探》絕症病人後，現時已狀態大勇：「你狀態好咗好多，你係逆齡，希望大家focus你嘅努力。」Ben冧爆說︰「老婆真係好，幫我講說話。」

{{hket:inline-image name="257231057_617881052895376_579214544844332160_n.jpg"}}{{/hket:inline-image}}

另外，Ben分享拍劇時一度壓力太大，令身體出現警號：「今年初我拍《法證先鋒V》，扮演一個失眠警探，同時又要拍《廉政行動2022》，曾經有一個月時間『劇疊劇』，結果拍到甩髮，因為當時好大壓力，自己又投入角色。」及後，他重看自己的演出，也自覺口腫面腫非常入戲。他感慨說︰「如果我個角色有活力，我都會有朝氣，但《法證V》個角色又要唔夠瞓。」

{{hket:inline-image name="299436132_628208145246764_8249936184218517360_n.jpg"}}{{/hket:inline-image}}

Ben又主動談到被網民標籤「食軟飯」，令他大感無奈：「我當時有唔開心，話我『嫁咗畀你（Bowie）』、『我姓張』、『食軟飯』。我喺TVB奮鬥咗十幾年叫有啲成績，儲到啲錢，搵到老婆，但啲人話我食軟飯，佢哋好無良心。」借直播一吐烏氣。昨晚Bowie回應《晴報》時，表示機緣巧合下才在IG開live為老公發聲，問到老公是否其心目中永遠的校草，她笑說︰「Ben選校草嗰陣我未認識佢，不過識咗佢後，佢已經係我好欣賞嘅藝人，亦係一個全心全意嘅好男人！」

撰文：梁紹明