森美被指鬧拍檔「扮大哥」網民反感 聽《早霸王》感「受罪」大讚小儀高EQ

電視節目主持、司儀演員、歌手兼作家嘅多功能藝人森美近年備受讚譽，除咗幽默又轉數快之外，正經感性都得，好爸爸好老公嘅形象亦深入民心，係唔少大騷嘅首要人選。不過近日有唔少人喺網上反森美，更表示因為佢主持而唔想再聽一個電台節目。

同場加映： 《愛回家》書蟲疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

日前有人以「森美真係好嘔心」為題於討論區發文，Post主講出自己聽電台節目後對森美嘅感覺：「開親個電台一聽，講2句就講嘢串住晒，話教下屬，實際就恰下屬，自己講嘢搞寸個場dead air就唔得，要話係人哋唔識，咩都唔識……」

{{hket:inline-image name="6970b824-6574-4a71-8620-5074fbc2c4a8.jpg"}}{{/hket:inline-image}}

此post一出得到唔少網民認同，留言：「聽佢講嘢隔住個收音機都聞到老人除, 成日扮世故喺度說教, 又撻啲理論出嚟，戥Marco（另一位輩份較低嘅DJ）慘，成日畀佢窒住又冇得駁。」、「個個要叫佢大哥，乜都認咗叻先，自己永遠唔會錯，世界上所有人都廢過佢。」有人又大讚佢嘅千年拍檔小儀EQ高：「成日扮晒大哥，以為自己好醒成日搶嘢講，一旦俾人入到位就發難，聽到小儀有時畀佢窒到好無癮，但又要顧及個節目頂埋佢。」唔少網民仲表示因為森美而唔想再聽呢個節目。

不過都有人力撐森美，讚佢其實正經講嘢嘅時候好有point，係真正有學識；又有人指森美「扮大哥」係逼於無奈，只係另外兩位拍檔擔唔到大旗，留言：「《早霸王》嗰兩個拍檔想佢哋拎多少少自己嘢出嚟講都無乜貨，先搞到好似森美由頭lead到落尾咁，如果遇著啲嘉賓同森美對到嘴嘅就好好多。」

2006年森美曾於與小儀主持嘅電台節目《架勢堂》內舉行遊戲環節「香港十大」選舉—「我最想非禮的香港女藝人」，被婦女團體指侮辱女性。商台決定將二人停薪留職2個月，期間不可接受任何新的兼職，包括森美同小儀主持嘅電視遊戲節目《15/16》。不過停薪留職前二人已誠心道歉，浴火重新後二人亦更加謹言慎行，打後多年都形象正面。