星格BOSS丨《愛回家》林浩文疫市中環開餐廳 森林系主題望Chill住重振夜生活

在處境劇《愛回家之開心速遞》中飾演書蟲一角的林浩文（小林），近日榮升餐廳老闆，選址中環SOHO區開設西式餐廳，兩層餐廳的設計以森林為主題，讓客人有如置身大自然一樣，充滿自由和熱情的感覺。小林坦言演員的工作比較被動，是故努力發展副業，望能全無後顧之憂去追逐演員目標。

{{hket:ul-video id="6509"}}{{/hket:ul-video}}

小林的餐廳HangOut TODAY & NIGHT名符其實要令客人有種出去玩的感覺，跟三五知己下午飲咖啡食蛋糕，或者晚上大班朋友微醺玩樂。小林表示：「小弟以前都成日去蘭桂坊蒲，唔使理第二日返唔返工，同朋友完全放鬆，將積累嘅生活壓力一次過釋放出嚟！」坦言受到疫情嚴重影響，近年中環蘭桂坊的氣氛大不如前，他跟朋友們的想法「宏大一點」，希望把這區的氛圍重整起來。「我哋HangOut嘅宗旨就係玩，輕鬆、舒服氣氛，而且唔會樣樣都有所謂嘅『中環價』，合理嘅價錢，客人冇乜壓力玩得盡興。」

愛回家丨島大書蟲林浩文面油羅永健頭皮吳卓衡靠怪造型入屋 感恩有代表作：繼續追夢唔怕捱【下一頁】

{{hket:inline-image name="DSC02135.jpg"}}{{/hket:inline-image}}

{{hket:inline-image name="lee4_600.jpg"}}{{/hket:inline-image}}

小林也經營一間名為Hangout的舞蹈室，達到收支平衡，這次進軍飲食業，副業越玩越大，他說：「做藝人收入唔高，我要做好多副業去支持自己拍劇，追求自己夢想。今次開餐廳，同4位好友拍檔投資7位數字，靠朋友多多支持，計劃一年內回本。（疫市開店唔驚咩？）驚就一定有，唔知會唔會有第六波嘛...希望冇啦！我哋同樣相信，有危就有機，希望危機入面搵到生機！」

餐廳下午茶有各式各樣的蛋糕，「招牌作」有千層卷蛋糕、黑芝麻麻糬雪芳蛋糕、豆腐芝士蛋糕等，擺盤絕對是「打卡able」，加上咖啡濃郁芳香，令人回味。至於晚市四款菜式，加上有特色的雞尾酒、香檳，跟朋友邊傾邊食邊飲，一大樂事。小林表示《愛回家》的台前幕後都大表支持，他希望「島大」的演員好友能夠借此機會聯誼，「對上一次齊人應該係兩、三年前，『島大線』完結咗，大家各有各發展，有部分演員去拍其他劇，聚埋機會買少見少，希望將來呢個地方成為大家聚腳點啦！我一有空檔都會返餐廳打點，要睇住個場，我乜嘢都會幫手，遲啲可能連洗廁所都要做埋！」

愛回家之盛舞者│陳俊堅林浩文重拾舞蹈熱情 為演戲捱月薪8千「七線人棄王」【下一頁】

{{hket:inline-image name="jh.jpg"}}{{/hket:inline-image}}

{{hket:inline-image name="DSC02156.jpg"}}{{/hket:inline-image}}

至於演藝工作方面，小林一直尋求機會，希望《愛回家》書蟲一角，有獨立發展的劇情線，而他亦不乏拍攝其他劇集的機會，他說：「喺《旁觀者》入面，我第一次演智障人士，對我嚟講都係幾大考驗，希望出嚟效果恰到好處，觀眾鍾意，網民受落啦！」

{{hket:inline-image name="175c49ed-46d0-48d1-bdef-188c2879c654_600.jpg"}}{{/hket:inline-image}}

{{hket:inline-image name="194003052_799555617356112_5617418112153573527_n_600.jpg"}}{{/hket:inline-image}}

場地：HangOut TODAY & NIGHT（中環士丹頓街33號地下）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

攝影：王華婷、龐浩雲
責任編輯：楊安莉