黯夜守護者︳區明妙邪氣眼神太惡 監製叫收歛 難忘被胡蓓蔚掌摑：仲惡過我媽

無綫《黯夜守護者》首周劇情圍繞兼職女友（PTGF）、青少年吸毒及兩代相處等社會問題，昨晚（7日）第三集講到區明妙飾演的富家女Cindy，間接害死好友Maisy（羅毓儀飾）後，被警方揭發有毒癮，被陳煒及陳展鵬盤問，終於在警署說出一切。區明妙這一幕相當有戲，見她承認吸毒時眼神閃縮，怨恨好友讀書叻、有美貌，在回憶片段教人做PTGF時，表情邪氣十足，結果獲得網民力讚。

{{hket:inline-image name="08A.jpg"}}{{/hket:inline-image}}

{{hket:inline-image name="01.jpg"}}{{/hket:inline-image}}

同場加映：勁歌金曲︳ 陳曉東禁女兒10月來港睇爸爸開騷 陳柏宇爆囡囡公主癌病發被「抦」

{{hket:ul-video id="6489"}}{{/hket:ul-video}}

區明妙今次七情上面的剖白戲，獲得不少網民好評，「開部校園劇讓區明妙主演啦，學生裝扮不錯的，又有演技。」、「羅毓儀區明妙，女學生專業戶」、「不錯，兩個新人」及「兩個學生妹演技真的不錯」等。對於大家的讚賞，區明妙表示：「導演、監製都有話過我啲眼神有時好惡，想我Soft番啲。我覺得演壞女仔容易過扮乖，因為有好多嘢可以發揮，難在係要壞得嚟又令觀眾同情個角色。（同「虎媽」胡蓓蔚合作有何感覺？）開始接觸時以為佢好惡，最難忘係被掌摑嗰幕。佢仲惡過我媽媽。」

區明妙鍾柔美Yumi都係少女組合Honey Bees出身 網民：家燕媽媽先係「造星」高手【下一頁】

現年21歲的區明妙是少女組合、前Honey Bees成員之一，2016年開始在無綫拍劇，2017年在《親親我好媽》扮演學生，一度獲封為「港版周子瑜」；去年在《愛上我的衰神》再演學生，同許俊豪有段「變態」師生戀，結果慘被對方虐殺，其被殺後的空洞眼神表情，令觀眾不寒而慄。

（↓點擊放大睇圖片↓）

胡蓓蔚劇中與區明妙飾演兩母女，角色是個「律師虎媽」，她自言是演戲初哥，覺得自己仍有好多不足嘅地方。提到相隔5年再演正劇，她說：「因為之前接咗唔少司儀工作，今次拍呢個劇除咗覺得故事吸引，亦要多謝老公（單立文），佢叫我快啲出去做吓嘢、拍吓電視劇啦，可能係驚我悶啩。（覺得區明妙表現如何？）佢好有天份，雖然年紀咁細，但佢拍劇經驗多過我好多，我哋合作時有傾有講好開心。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】