凶宅清潔師︳《愛回家》頭皮阿穎軍營開工喊驚 李紹堅感唔妥：毛管戙兼打冷震

由洪永城、鄭詩君（C君）及盧思麟聯合監製的劇集《凶宅清潔師》，於第8集起用幾位新人演出，當中有來自《愛回家之開心速遞》的「天才聯盟補習社」眾人，分別是「阿穎」李紹堅、「頭皮」吳卓衡及「素素」古佩玲。三人較早時間跟大隊到廢置日軍軍營拍外景，未嚇到觀眾前已經「驚餐飽」，李紹堅更懷疑自己出事，上到山後勁唔舒服，更感覺到一股寒意，表示好想離開拍攝現場。

{{hket:inline-image name="09091001.jpg"}}{{/hket:inline-image}}

{{hket:inline-image name="266001693_423058242632055_8950029479543238986_n.jpg"}}{{/hket:inline-image}}

同場加映：勁歌金曲︳ 陳曉東禁女兒10月來港睇爸爸開騷 陳柏宇爆囡囡公主癌病發被「抦」

{{hket:ul-video id="6489"}}{{/hket:ul-video}}

最新劇情講到李紹堅、吳卓衡、古佩玲及呂靜文等，成功搵到令洪永城家破人亡，用來玩碟仙的青花瓷碟，眾人大膽相約深夜時分，帶瓷碟到廢屋玩碟仙。至於劇組這次拍攝的廢屋，正是位於飛鵝山的廢置日軍軍營，幾位新人知道要在該處拍通宵戲時，事前都做足準備，不過依然發生意料之外的事。李紹堅就懷疑自己出事，上山時已經感到不適，「唔知係暈車浪定咩，落車開工、一入到軍營就毛管戙同打冷震，好唔舒服，覺得好侷、好想離開場地。最後出咗去嘔出嚟，成個人就舒服啲。」他表明已戴上洪永城為大家求的護身符外，還有爸爸的佛牌，令自己覺得安心踏實；更爆料話：「聽聞佢哋好似拍到一啲唔應該存在嘅影，聽落都幾恐怖。」

凶宅清潔師︳森美相隔3年再拍劇造型勁詭異 C君促成合作 洪永城嗌有BL感覺【下一頁】

吳卓衡坦言今次最驚的地方是請碟仙儀式，因拍攝時要跟足一切步驟還原，「知道大家有帶法寶傍身，我自己都帶咗聖經，加埋洪總（洪永城）好好人，幫每個人求咗道符。可能儀式太認真，見到荒廢軍營嘅氣氛，感覺好毛骨悚然。」

《凶宅清潔師》新造型｜洪永城擔心髮線上移：要搞搞佢 跟足Skinhead視帝影帝無有怕【下一頁】

古佩玲本身是信佛的，相信有超自然力量同第三維度，所以拍攝前也有點驚，特意戴上一隻刻了心經的手鈪傍身，「未試過半夜上山，仲要大霧到完全睇唔到路，司機要揸得超慢。去到場地嗰陣，因為人多，感覺舒服同安全好多。」

（↓點擊放大睇圖片↓）

想不到呂靜文比《愛回家》班底更大膽，自己一個人通山走搵廁所，「有聽聞李紹堅一到場地就唔舒服，攝影器材有時又無故熄機，我係因為上山網絡收得唔好，所以周圍搵睇吓邊度收得好啲，而且去洗手間落山要半粒鐘，我又懶唔好意思要成班人陪我去，所以有時會自己搵地方解決。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】