【聲明】港生活網站並無進行電話推廣活動

病癒復工 聲沙炎明熹戴口罩曬小蠻腰

發佈時間: 2022/09/13

炎明熹(Gigi)本月初確診新冠肺炎,要臨時停課及停工,有傳她受停工影響損失近百萬元。昨日Gigi病癒後首度現身,孖After Class隊友出席大家樂活動,只見穿上露腰裝的她精神奕奕,但聲綫仍然沙啞,她亦戴上外科口罩示人,確保現場人士安全。

炎明熹、姚焯菲(Chantel)、鍾柔美(Yumi)及詹天文(Windy),昨日到奧海城出席大家樂活動。本月3日宣布染疫的Gigi,昨日正式康復出關,四人吸引大批粉絲到場打氣。Gigi大曬小蠻腰,看來清減了少許,而她全程戴上外科口罩,其餘三人則戴上透明口罩。問到身體狀況如何?Gigi說︰「我還好,只係聲音上仲有少少缺陷。」

姚焯菲將踏入16歲

Gigi透露中招期間身體最不適時,只是比感冒嚴重一點,現已康復得七七八八。有傳因停工而損失近百萬元?Gigi說︰「我無聽過,但有啲工作cancel(取消)咗,好似之前同Windy、冼靖峰出席嘅管弦樂團音樂會,我就無得出席,好彩Windy幫我頂咗個騷。」如何報答對方?Gigi將咪高峰遞給Windy,Windy笑說:「一杯珍珠奶茶啦。」另外,Gigi表示今天會如常上學,但因聲綫未完全回復,因此盡量減少唱歌。

提到在音樂會上頂替Gigi獻唱,Windy說︰「起初都擔心Gigi嘅身體狀況,雖然無上台綵排過《Dear Friend》呢首歌就唱,但好彩都演繹到,我用咗自己嘅方法去唱。」此外,Chantel將於本月22日16歲生日,問她屆時如何慶祝?她說︰「都會出去食飯嘅,因為當日係weekday(平日),到時再睇下會唔會同朋友出去玩。」至於Gigi、Yumi及Windy均笑言已準備生日禮物送給隊友,但希望保持神秘感;他們又透露After Class正準備推出新歌,並預告是一首快歌。

採訪︰Pauline

美術︰梁政敏

病癒復工 聲沙炎明熹戴口罩曬小蠻腰

(左起)Chantel、Windy及Yumi戴透明口罩曬靚樣,Gigi則小心為上,戴外科口罩現身。

病癒復工 聲沙炎明熹戴口罩曬小蠻腰

Gigi(前中)因確診缺席兩場港樂音樂會,其表演部分由Windy(前左二)捱義氣頂上。(資料圖片)