管家王︳全屋裝修半年轉用變頻冷氣機電費慳$300 屋主驚嘆：真係慳咁多？【附慳電貼士】

炎炎夏日難免開冷氣機降溫，不過收到電費單時卻令人相當「肉赤」。有屋主分享半年前全屋大裝修後，順道安裝變頻式冷氣機，而過去3個月他每晚都開著冷氣入睡，但用電量卻比去年同期少280度，電費大減近$300，不禁驚嘆其慳電效能「好誇張」。

同場加映：

全職爸爸 ︳社工辭職做湊仔公8年 全職爸爸：錢換唔到經歷

{{hket:ul-video id="6501"}}{{/hket:ul-video}}

該網民在Facebook群姐「家居裝修設計分享Group」發帖指全屋大裝修時，將家中兩部分體式冷氣機都更換成變頻式冷氣機，另外全屋的燈具都換成盒仔燈和燈條，入伙半年後發現每期用電量少了約200度，對此深感驚訝：「大家有冇咁樣嘅情況？ 變頻冷氣真係慳咁多？」

事主補充指，其睡房採用一匹變頻變頻式冷氣機，每晚將溫度調較至22°C入睡，白天則不會開冷氣。他以今年及去年6月至8月的電費作比較，發現用電量大幅下降三、四成，電費減少近$300，直言情況誇張，「唔計電費補貼同燃料調整費，上年6月至8月，用咗$730，今年同期係$450！度數係少咗280度！」

網民：慳電但唔夠凍

帖文引起網民熱議，有網民大讚變頻式冷氣機比較慳電，電費差額可相差數百元，另一方面也有人認為LED燈也功不可沒，比起傳統電膽慳電得多。不過亦有認為變頻式冷氣機「唔夠凍」，對於怕熱的家庭而言不太適用。事主則表示，冷熱感因人而異，雖然相比於普通冷氣機，變頻式冷氣機的製冷速度較慢，但認為屬可接受範圍內，而且亦較其他冷氣機安靜。

用家分享慳電心得

此外，有另一名變頻式冷氣機用家留言指出，若要變頻式冷氣機發揮最大的慳電效能，關鍵在於避免經常開關冷氣機及改變設定溫度，當實際室溫與設定溫度差距越大，壓縮機轉速越高，耗電量也自然更高。他同時又分享3個慳電心得：

「1. 匹數要夠，令室溫盡快到達設定溫度，令壓縮機盡早以最低速運轉！如果唔夠匹數，冷氣轉極都達唔到設定溫度，咁樣係最食電！2匹低速運轉嘅耗電量一定低過1匹高速運轉嘅耗電量。

2. 唔好將室溫較太低，同室外溫差太大，室外能量進入室內的速度越快，冷氣要維持溫度不變所用的電量就越多！亦令到室溫下降的時間越長，壓縮機高速運轉的時間越長！建議開25-26 度再加風扇最好

3. 將冷氣風速較為自動，唔好用低風速！一開機時冷氣會用強風快速令室溫下降，當溫度接近設定值後冷氣會自動較慢風速。」

他表示，過去數個月一直在家工作，6至8月期間其家中的2匹變頻式冷氣機連開2個月，從未關機，但電費只需大約$600元。

日本電器公司教慳電6招

早前全球多地受熱浪侵襲，SHARP及PANASONIC等日本大型電器公司提出冷氣慳電策略，幫助民眾慳電費之餘亦可減低電力公司壓力，綜合電器公司及日本傳媒報道，慳電貼士主要有以下6點：

冷氣長開或更慳電 專家提醒或致機件勞損

日本電視節目《そもそも総研》（somosomo souken）曾測試24小時長開冷氣，發現冷氣剛打開時耗電量將處於高位，其後隨室溫逐漸下降。經專家分析耗電量，節目計算原本室溫如在31度左右，且因外出而關上冷氣機的時間內5小時27分以內，則任由冷氣長開其實更為慳電。

針對冷氣長開，香港空調製冷業職工總會會務主任許錫強接受《晴報》訪問時指如冷氣屬變頻式，且關機時間如在2小時或以下，則不關機可能更為慳電。但他強調任由冷氣長開易致冷氣機機件勞損，長遠而言未必有利。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】