一路瞳行丨吳千語經歷反叛期母女關係更好 與施伯雄感情穩定：我唔會放閃

吳千語在電影《一路瞳行》飾演失明父母誕下的健視女兒，在種種經歷後與父母修補關係。現實生活中，千語憶起媽媽是虎媽一名，她反叛期過後，母女關係大為改善。另一方面，千語跟「富三代」施伯雄感情穩定，但在內地工作時似乎難免被冠「林峯前女友」的稱號，她不介意，認為眼前最重要的，是做開心的事，好好享受每次演出，演活人物比一切來得重要。

{{hket:ul-video id="6545"}}{{/hket:ul-video}}

在《一路瞳行》中，千語面對兩位老戲骨惠英紅、吳岱融，表示感到一定的壓迫感，「聽講紅姐好憎人遲到，我準時㗎，所以都冇乜點擔心。相處幾日之後，其實冇坊間所講咁嚴格，紅姐對作品要求好高，我哋相處過程好舒服，而且佢好鍾意試新嘢，我哋會傾吓拍片技巧同影相App功能。」千語坦言透過觀察，見識到惠英紅一絲不苟的工作態度，例如她會跟道具組工作人員溝通，利用合適的道具去誘發演戲時的情緒，「呢一點好利害！我從來都唔識咁做，冇諗過用道具去幫自己，真係學到好多嘢！」

28歲生日｜吳千語獲施伯雄隔空講「我愛你」 網民：這番表白太man了【下一頁】

{{hket:inline-image name="SKP08660.jpg"}}{{/hket:inline-image}}

{{hket:inline-image name="SKP08646.jpg"}}{{/hket:inline-image}}

電影故事以新晉導演朱鳳嫻的原生家庭為藍本，28歲的千語感受尤深，特別是與家人相處時，怎樣令關係穩固，「人越來越大，代表父母越來越老，成日諗點樣可以對佢哋更好？每個人表達愛嘅方法都唔同，父母需要嘅愛係陪伴。」工作關係，千語不能經常留在香港家裡，早前在內地工作加上受疫情影響，一去就是九個月，難免會想家，她回港團聚的時候，突然感覺父母變老了。

從內到返港，她盡孝與媽咪享受不同的餐廳的美食，享受天倫樂，「我唔係叫阿媽做媽媽，由細到大由要求我叫佢做『咩姐』咁樣，感覺後生啲，大家相處好似朋友咁！我細個時，阿媽係虎媽，好嚴厲，後來我反叛期嘞，足足有一年時間成日唔做功課又走堂，離奇地我哋關係仲增進咗，可能因為不斷同阿媽鬧交，能更深入了解，關係好過之前好多！」

千語在疫情期間沒有停下腳步，在內地頻頻拍劇，表示現時選擇工作性質時不太著重金錢，最希望演出自己喜歡的角色，「我唔鍾意解釋太多，直接做啦，我知出面好多人都覺得我好得閒。我冇一個明確目標，亦未必要做到好偉大，有咩成就咁樣，當然成功感、開心都好重要。每個階段諗嘢都唔同，而家開心最重要。」

獅子山下的故事｜吳千語曬結婚相嗌溫馨恨嫁？施伯雄轉載劇照遭網民催婚【下一頁】

{{hket:inline-image name="SKP08671.jpg"}}{{/hket:inline-image}}

{{hket:inline-image name="SKP08677.jpg"}}{{/hket:inline-image}}

{{hket:inline-image name="SKP08640.jpg"}}{{/hket:inline-image}}

千語跟「富三代」施伯雄拍拖傳足三年，兩人沒有親口承認，而千語每逢有新作品推出，男方都會毫不避忌在微博為她宣傳打氣，隔空放閃，認真甜蜜，明顯感情非常穩定。內地媒體十分奇怪，總愛一窩蜂形容千語為「林峯前女友」，她說：「呢個係事實嚟㗎，甩唔到喎，唔需要解釋，我一直講，最重要係做自己開心嘅事，去內地拍劇、拍戲係我想做嘅。感情生活方面，我不嬲低調，同埋而家時代唔同咗嘞，我初初出道好興娛樂八卦新聞，而家大家講嘅係點樣享受生活，關注點唔一定放喺明星、藝人身上。我好鍾意呢種自由狀態，喺上海嗰陣，未必有人認得我，好享受嗰種正常生活嘅感覺，（會唔會IG放閃認愛？）應該...唔會，除非...將來...遙遠嘅一日，我結咗婚生咗個好似Lucy（李元元）咁得意嘅囡囡，我就會瘋狂post佢啲相片、短片，唔得意就唔po！不過呢件事真係好遙遠...」

化妝 : vinci @ vinciwinki.com
髮型: Him Ng @ The Attic
服裝：Sandro
場地：whereami.hk

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉