陳凱琳性感打扮要鄭嘉穎過目 陳瀅嬲爆被方力申撻生魚

陳凱琳(Grace)和陳瀅今日為性感內衣及絲襪品牌擔任模特兒。Grace穿上一套火紅色性感內衣出席活動，但外面披上皮褸，她解釋：「其實出門口之前都要畀老公(鄭嘉穎)過目嘅，佢講明唔可以除樓，所以件褸大件啲當裙着就啱啱好遮住。」

同場加映：星格BOSS?《愛回家》林浩文疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

問到Grace家中可有性感內衣？她笑言：「係超級...唔多，做咗媽咪之後個人比較實際，買衫都係以適合同舒服為主。」她說已結婚四年，甚少性感內衣，但就承認老公有送過性感內衣給她。另外，Grace指比較着重穿搭是否好看，平時穿衣亦不會太暴露。

{{hket:inline-image name="DSC_7854.JPG"}}{{/hket:inline-image}}

{{hket:inline-image name="301036988_1051057995549696_3045347924028459776_n.jpg"}}{{/hket:inline-image}}

此外，提到今屆港姐又鬧不和， Grace表示自己參選那一年未有出現類似情況，但她反而擔心佳麗的身體狀況，近日知道有幾位佳麗確診，又擔心佳麗為了keep fit而吃得少會在台上暈倒，但會祝福她們比賽過程順利，至於Grace會否出席決賽就要視乎當日的工作安排。

{{hket:inline-image name="DSC_7756.JPG"}}{{/hket:inline-image}}

陳瀅表示平時內衣都以簡單為主，但就喜歡收藏私物，她說：「特別鍾意收藏黑色絲襪，同黑絲誘惑無關，哈哈！覺得容易襯衫同埋好有型。」陳瀅表示未收過男士送性感內衣，但收過由女性朋友送性感內衣作為禮物，陳瀅又表示喜歡男仔送花，隨即被取笑方力申無送花故遭她拒愛?陳瀅笑言：「佢有送過一支玫瑰。」

{{hket:inline-image name="DSC_7824.JPG"}}{{/hket:inline-image}}

講開小方，陳瀅爆近日正同方力申拍攝劇集《美麗戰場》，在最後一場戲被他「重手」搞到走光，她說：「呢場戲我係比小方凌空掟落地，當時我着咗一條長裙，入邊着咗打底褲嘅，但係佢猛力掟落地嘅時候成個人飛起，打底褲露咗出嚟，好彩當時都唔算太多人睇到，監製會刪除呢一個鏡頭。」陳瀅表示因此而唔開心，還叫記者教訓小方。

{{hket:inline-image name="DSC_7705.JPG"}}{{/hket:inline-image}}

採訪：黃寶蓮