余慕蓮享受單身冇膽闖情關 想起與曹達華傳緋聞：好㷫

85歲的余慕蓮（魚毛）入行超過半個世紀，演繹的人物大多是閒角、醜角、垃圾婆等等，這使得她缺乏自信，渴望「好想佢哋畀我做靚」，可惜事與願違。當然也有很多人欣賞魚毛，時裝設計師鄧達智邀請她擔任模特兒，甚為矚目，她開懷地說：「我可以扮吓靚，唔使成日做垃圾婆，我出場（2007年）嘅時候不知幾多掌聲！」

同場加映：張頴康磨劍22年迎戰男演員黃金時期 「每次演出我都當係男主角咁做」

{{hket:ul-video id="6511"}}{{/hket:ul-video}}

{{hket:inline-image name="20.jpg"}}{{/hket:inline-image}}

{{hket:inline-image name="11.jpeg"}}{{/hket:inline-image}}

魚毛日前接受港台節目《香江暖流》訪問，回想經常飾演醜角，大方表示不介意，她說：「我唔介意成為『御用醜角』，咩角色都需要人飾演，以前選香港小姐，都有啲唔太出眾，人哋就會話嗰個幾多號好似余慕蓮...我冇所謂，有人提起總比冇人提起好，自己知自己事，我冇後台，我唔係好靚，我又唔鍾意應酬，但我要生活，我要搵錢，冇人做呢啲角色咪我做，冇人同我爭吖嘛！」

余慕蓮靠食標靶藥控制肺纖維化 仍記恨亡母：拋夫棄女嘅女人【下一頁】

其實，魚毛都做過主角，她說：「我喺社區中心學做裁縫，有日去咗唔同班房睇吓，睇到后叔（陳有后）教緊話劇班，佢叫我入去，畀劇本我睇，又叫我讀吓，佢話『掂喎！我哋排緊《馴悍記》，爭個女主角』。呢齣話劇去參加社區比賽，我哋得到亞軍，冠軍係鄭創世嗰套，鄭創世即係鄭少秋。」

{{hket:inline-image name="800_30ff4c5f2ddac07983dbb62a4495941e.jpg"}}{{/hket:inline-image}}

85歲生日｜余慕蓮獲鄧達智汪曼玲送壽桃 清爽打扮更勝上年假髮look【下一頁】

魚毛曾經在一篇訪問中承認，有過心儀對象，她知悉有其他人喜歡該名男士，決定放手。自稱「無膽闖情關」的魚毛，父母早已離異，過著一個不快樂的童年，她不希望有下一代，「如果同靚仔結婚，佢大把女仔，我頂唔順，咁就無謂啦！嫁著個老公好就好啫，如果嫁個爛賭，成日返嚟攞錢咪死？唔好喇，我而家自由自在，幾happy！」

林建明為余慕蓮茶記慶生港女打卡 死裏逃生肥番晒打牌賀85大壽【下一頁】

{{hket:inline-image name="50.jpg"}}{{/hket:inline-image}}

對於她入行時，曹達華介紹她到戲院做帶位員，後來兩人相約看電影而傳出緋聞，魚毛說：「我叫佢做Uncle，無端端傳我哋？離晒譜！達華嫂打長途電話畀我，佢話『Uncle返咗無綫，如果你熟無綫，你睇吓佢啦』，我話OK啦，有次華叔話有套戲首映，問我睇唔睇，我答好呀，本來佢同契女米雪去，但米雪唔得閒...我哋又冇拖手，作到我係佢嘅最後一個女人，真係好㷫呀！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】