好聲好戲丨吳幸美靠勤力三輪分數遙遙領先 票選脫腳未能晉級 網友戥唔抵

《好聲好戲》第二輪藝人比賽昨晚畫上句號，吳幸美、樊亦敏、黃智賢和黃嘉樂四位經過三個回合比賽後，吳幸美以實力和亮麗的表現獲得最高分，無論聲演蔡少芬、李佳芯還是蔡思貝，都明顯下過苦功，令觀眾眼前一亮。可惜賽制的缺憾，是由評判團投票決定賽果，專業評判、導師及三位主席評判合共5票，只有汪明荃、專業評判投給幸美，最終使得樊亦敏後來居上以3票險勝。

同場加映：張頴康磨劍22年迎戰男演員黃金時期 「每次演出我都當係男主角咁做」

{{hket:ul-video id="6511"}}{{/hket:ul-video}}

好聲好戲︳吳幸美自費整假哨牙練「癲姐」發音 特別鳴謝Patrick Sir拔咪相助【下一頁】

{{hket:inline-image name="han2.jpg"}}{{/hket:inline-image}}

{{hket:inline-image name="han1.jpg"}}{{/hket:inline-image}}

節目播出後，不少網友紛紛留言戥幸美不值，因為她三個回合均表現出色，分數12分，比樊亦敏、黃智賢和黃嘉樂的4分遙遙領先，結局實在令人意想不到。網友說：「替幸美不值，建議以後啲參賽者頭兩round配音（故意）衰啲，反正唔算數，最後一round先出真功夫，咁班評審就會話進步明顯，一舖pass。三太最後一round係好，但呢個賽果許文彪話齋：公平咩？公平咩」、「有冇搞錯！一個回合好就可出線！咁之前贏嘅燈有鬼用」、「離譜！只係一回合進步（指樊亦敏）就可出線？不公平，不會再看TVB」、「啲分數有乜用？最高分都冇得出線」等等。

對於群情洶湧，吳幸美接受《晴報》電話訪問，表示：「觀眾、網友咁愛錫同支持，我真係好感動，佢哋比我更加緊張同肉緊！不用太介懷結果，最重要係幸美盡咗全力，觀眾睇得開心。節目有咁大嘅迴響，咁多人留意，幸美得到大家嘅欣賞，已經成功咗！」

好聲好戲︳吳幸美神還原《棟篤神探》蔡少芬 《愛回家》三太樊亦敏表現甩轆獲2綠9紅低分數【下一頁】

幸美在節目中激動落淚並感觸地說：「入行二十年從來冇試過成為焦點，所以今次好花心思，好努力，希望可以畀觀眾睇到我勤力嘅一面。」她解釋以藝人身分參與比賽，非常享受箇中的磨練，同事們亦非常認真看待，「認真咁講，到當咗真係比賽嘞，喺競技氣氛下，所有宣布嘅結果都令我呼咗一口氣，釋放咗啲壓力。好希望借今次機會，感謝朋友對我嘅支持。我覺得能夠有機會，盡咗全力，而又得到大家嘅認同，係作為藝人最大嘅享受。喺呢度，我除咗多謝一同參與嘅藝人之外，亦要好感謝一眾勞苦功高嘅評判，好專心睇我哋嘅表現，畀意見。感激各位配音界嘅前輩喺咁多round裏面，畀到我咁多積極嘅建議，我會慢慢細心去回味佢哋講嘅說話，有機會希望可以做得更加好！多謝Liza姐呀，一直給予我鼓勵，衷心多謝阿姐，恭喜樊亦敏，希望佢喺決賽攞到更好成績！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉