好人好事︳大埔婆婆需每日洗腎無人願送貨 暖男老闆托33箱洗腎水上山

守望相助精神值得表揚！大埔一名婆婆因為需要每日洗腎，因此每月需要33箱洗腎水送貨到家。然而，由於婆婆不能出門加上住址偏僻，且送貨路上有多段樓梯，故不少送貨公司不願接這單生意。有善心的送貨公司老闆得悉情況後，坦言「搵唔到理由怕辛苦唔幫」，遂親自免費為婆婆搬洗腎水上山，更公開招募義工以後每月一起為婆婆搬運，引來網民一片掌聲。

同場加映:

Sick問識答︳食煎炸物後有口氣生痱滋 中醫拆解2類熱氣+涼茶清熱迷思

{{hket:ul-video id="6500"}}{{/hket:ul-video}}

老闆：搬到懷疑人生

送貨公司「貨Van仔」在Facebook專頁分享指，早前接到求助指大埔有一位需要長期洗腎的婆婆，雖然日常均有兒子照顧起居飲食，但因需長期洗腎的關係而無法出門。婆婆每月都需要33箱的洗腎水以在家洗腎，大約每日使用一箱。但由於住址相對偏僻，送貨路上有多段樓梯，因此不少送貨公司即使加錢，亦不願意接受這單生意。

「貨Van仔」老闆坦言，自己「搵唔到理由怕辛苦唔幫」，日前決定免費幫助婆婆，把33箱重達10公斤的洗腎水先搬上8層樓梯，再經一段上山路段才送抵婆婆的住所，路程之艱苦讓他直呼「搬到懷疑人生」。

招募義工 一呼百應

老闆分享指，這段路程一般而言起碼需2,500至3,000元搬運費不等，不過這筆費用原來已經足夠支付婆婆約10日的藥物費用，因此老闆決定未來每月都免費為婆婆搬運洗腎水上山。

他亦坦言，雖然自己頂到第一次，但未來還有「好多好多次」，如果自己再一個人搬「驚菠蘿蓋爆炸」，因此呼籲其他有心人可與他每月做一日義工，「每人企一層樓梯不出半個鐘搞掂」，把33箱洗臂水搬上婆婆住所。老闆後來開設WhatsApp群組招攬義工，結果一呼百應，短短一日已經有逾200人加入。

網民盛讚：好心有好報

不少網民大讚老闆熱心助人，另外亦有不少曾照顧腎病家人的網民指：「我明，我真係明，家母生前都要洗肚，我住唐樓4層送貨哥哥好索氣，其實腎水用得好快，謝謝你們」、「我家人也是洗腎病人，好明白除非換腎，否則腎病病人只是靠洗肚或洗血吊住條命，腎病係唔會好番，所以洗肚水真係好重要」、「我屋企人也是要洗腎，啲水一箱真係好重」：

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

撰文:吳梓楓