無綫聲演真人騷《好聲好戲》昨日播出第三輪比賽，李佳芯（Ali）、袁文傑、陸浩明（6 號）及黃俊豪4人爭奪晉身決賽的最後一張入場券！此回合的主席評判有汪明荃（阿姐）、金牌監製梅小青及聲演《神探伽俐略》「湯川學」的資深配音員潘文柏，其他評判團成員有配音員凌晞、李致林、黃啟昌、李鎮然、龍天生及黃鳳英，打氣團藝人則有滕麗名及黃美棋。
同場加映：張頴康磨劍22年迎戰男演員黃金時期 「每次演出我都當係男主角咁做」
比賽正式開始前的「我配你估」熱身環節，Ali已先聲奪人！Ali挑戰高難度、一人分飾兩角聲演經典動畫《櫻桃小丸子》。由於她細緻地模仿了小丸子的獨特口音，獲潘文柏大讚：「還原度好高，原配配音員係有輕微口音。」不過Ali就自言做得不夠好：「有啲甩咀，但我已經盡量好快，始終佢同一時間，語速又好快，有啲唔慣。」
雖然Ali配小丸子被讚神還原，但配小丸子姐姐的時候卻被嫌老積，李鎮然說：「小丸子配得好得意，但家姐把聲偏（年紀）大咗，好似變咗阿媽。」貴為視后的Ali，透露今次參賽原因是想提升演技：「想演技上可以再進步啲，睇番自己作品，發覺用聲方面做得唔夠好。」
今輪比賽中，資深配音員潘文柏有份做評判，原來他亦是演員出身。被問到演員去配音有沒有優勢？潘文柏表示：「講唔上係優勢，但演員有演出經驗，佢對劇情嘅理解、對演員演繹方式嘅解讀，甚至對情緒嘅運用都有幫助。」
潘文柏於1987年入讀第13期無綫藝員訓練班，畢業後曾任職無綫藝員，拍過電視劇。早年潘文柏與七名圈中好友結拜成八兄妹，包括大哥湯國明、三哥李家聲、四哥鄭伊健、五妹吳婉芳、六哥錢國偉、七哥李克勤、八妹梁佩瑚。其中潘文柏與鄭伊健、李家聲及吳婉芳三人為同期藝員訓練班學員。
在1993年，潘文柏轉到幕後，任職自由身配音員。在2000年12月重返無綫，轉往粵語配音組，曾經為《神探伽俐略》「湯川學」配音。他又在2012年及2014年兼任無綫電視粵語配音藝員訓練班導師。而在2020年，潘文柏曾一度離開TVB，轉為自由身配音員。不過在去年7月，潘文柏重返無綫，並於《好聲好戲之聲級學堂》中擔任客席配音導師。
圖片來源：大會提供、截圖、網上圖片
好聲好戲丨吳幸美靠勤力三輪分數遙遙領先 票選脫腳未能晉級 網友戥唔抵【下一頁】