演藝人協會︳程可為憶出道被邀拍同性戀電影《愛奴》 96年加國做地產8個月零生意

現年70歲的資深藝人程可為，曾是TVB力捧花旦之一，1984年放棄演藝事業搞移民，去到加拿大轉行做地產。直至1997年回流返港，戲癮再度被燃起，開始重投電視圈工作，獲指派母親或長輩級數角色，當中在2009年《宮心計》演蔡尚宮及2011年《紫禁驚雷》演太皇太后，令觀眾留下深刻印象。

同場加映：黯夜守護者丨區明妙循亡父教導選擇無悔的路 18歲起財政獨立望照顧好媽媽

{{hket:ul-video id="6644"}}{{/hket:ul-video}}

{{hket:inline-image name="09152001.jpg"}}{{/hket:inline-image}}

{{hket:inline-image name="09152003.jpg"}}{{/hket:inline-image}}

程可為這次接受香港演藝人協會專訪，分享當年入行經歷、移民及現時做人心態，她說：「我係一個冇野心嘅女人，但係好多同期同學以為我係好大野心，記得拍《乘風破浪》（1975年）嗰陣，我角色好似成日教人、好似要話事咁，可能呢個觀念擺在落去佢哋個腦，佢哋覺得我係好大野心，好想向上爬，要做多啲角色出名。我真係冇，覺得自己打份工，從來冇諗過要爭出鏡，令自己受人注意，我嘅個性唔係咁，所以做咁多年冇咩仇家，冇咩人唔鍾意我，原因我根本唔同佢哋搶。做人係要實實際際、腳踏實地，總言之盡自己嘅能力，唔係話一定會成功，但係做乜嘢都要盡力，問心無愧已經OK。」

《愛回家》觀眾用紅藍3D眼鏡睇出立體效果 程可為客串演于佩佩觀眾嫌太少【下一頁】

至於當年為何選擇移民？她解釋當時外地沒有親友是很難申請移民，覺得自己如果可以做到的話，可以順道申請家人一齊過去，「覺得自己有能力又可以移民，當時係投資加拿大一間叫『八仙樓』嘅酒家，先至得到移民資格，帶埋媽咪、未夠18歲細佬過去。我呢個人從來唔後悔、唔覺得可惜，因為成日有個睇法，就係你而家覺得好平穩，又點知轉換另一個環境係唔平穩？我移民時只係31、32歲，仲有精力智慧再去第二度重新搵食，但係辛苦嘅，因為當時去到唔知自己應該要做咩，如果要我做番藝員，我一定唔做，嗰度唔係需要呢啲人才。」

【機場特警】程可為演惡媽嫌棄楊明女友 去年跌倒骨裂靠拐杖出入仍恨開工【下一頁】

原來程可為早年搵錢並不靠TVB人工，主要是炒賣樓花賺錢，從中汲取不少經驗，於是移民後從事地產行業，不過1996年卻遇上市道蕭條，差不多整年冇生意，「96年唔知發生咩事，由年頭到年尾都冇一個香港客搵我買樓，嘩，坐到成個人真係心慌，往日係不停有工作，咁鬼悶不如返香港，反正又冇生意。97年年頭返香港當做旅行，我由70年做到84年先至移民，TVB有好多同事好耐冇見，特登唞夠就入去TVB，公司上頭就話我有張合約仲未完，差不多有半年至8個月，反正加拿大聖誕節天寒地凍，提議我完埋合約先返去，當時覺得96年坐咗成8個月都冇生意，幾得人驚喎，我又賺慣錢，賺唔到錢會頭痕，於是答應做到張合約完。」

{{hket:inline-image name="09152006.jpg"}}{{/hket:inline-image}}

{{hket:inline-image name="800_f82428067dc2e5c4f04d8e75ace66307_600.jpg"}}{{/hket:inline-image}}

程可為年近50歲時重返電視台，做的角色自不然是主角的媽媽或長輩，她坦言不介意做年老角色，因做人一定要面對現實，「再返出嚟已經40幾就嚟50歲，有咩咁擔心呢？好似我而家70歲，都唔覺得自己係70歲，永遠覺得演員係咩角色都要擔任，好似讀訓練班嗰陣，老師陳有后話『有一個角色，你哋喜歡做就舉手。』，跟住佢話要演一個死屍，冇同學願意舉手，我就第一個舉手。你如果唔踏出第一步，點會有人會留意你呢？你爭取咗呢個機會，起碼有人留意咗你個名先，好唔好戲就另議。（多年來有試過推戲？）有，差唔多畢業時老師同我講『邵氏想搵你拍戲，拍套古裝同性戀嘅戲，好似係叫《愛奴》。』我即刻諗『死嘞，唔得喎……』自己當時唔得喎，於是同老師講唔去邵氏拍戲，留番喺TVB拍劇，唔使去拍電影；就係冇咗呢個機會，可能會損失咗好多，可能喺電影圈會出名，多啲機會做主角，但我當時嘅觀念就係唔好。」

（↓點擊放大睇圖片↓）

最後問到有沒有退休計劃？程可為說：「冇退休呢個念頭，如果發覺冇能力記劇本，我就知道要退嘞，因為已經咁上下，上天已經安排咗你要退休，咁我就自動退囉。如果仲有能力做到，我唔係要計較錢，而係仲好喜愛呢份工作，會繼續做落去。若果畀我重新再揀，都係鍾意而家嘅職業、咁樣嘅生活，一啲都無悔！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】