【聲明】港生活網站並無進行電話推廣活動

自爆婚變暗示太太出軌 鄭浩南哽咽:物業無晒

發佈時間: 2022/09/16

現年57歲的鄭浩南前晚與張繼聰等出席新戲《壹獄II劫數難逃》煞科宴。鄭浩南於活動中自爆婚姻觸礁,在馬來西亞的寓所人去樓空,疑似出軌的太太已攜一對子女離去。形象man爆的他經歷男人最痛,忍不住當眾哽咽道:「無得怪任何人,係自己嘅命運。」

鄭浩南當年憑《98古惑仔︰龍爭虎鬥》的大反派司徒浩南一角深入民心,02年他與馬來西亞籍女友鮑愛玲結婚,並育有一對子女,一家定居馬來西亞多年。今年六月,鄭浩南回港拍攝電影《紮職3》及《壹獄II劫數難逃》,以及健身院廣告。前晚他現身煞科宴,問到何時回大馬陪家人時,他吞吞吐吐指本月18日本來是結婚20周年紀念,但家中發生不愉快的事:「因為疫情,我試過有16個月喺內地做嘢,上年尾買到機票,打電話返去,太太拎起電話就cut綫,話『有乜嘢同我律師講』。我返到去,細路唔見晒,太太唔見咗。」

問到夫妻間是否出現第三者?鄭浩南說:「大家都應該諗到,不過唔係我呢方面。我好愛屋企人,大馬啲物業同車都寫晒屋企人嘅名,我依家喺嗰邊(大馬)剩番一間祖屋。其實無得怪任何人,係自己嘅命運,但無諗過呢啲嘢發生喺自己身上。」他表示對一上次見仔女已是去年12月,他目前暫時會留港。

禍不單行右手重創

此外,鄭浩南可謂禍不單行,他透露右手舊患傷上加傷,四條韌帶斷了七成,現時無法做劇烈運動︰「我聽人講,去咗內地做手術,但效果唔理想,如果當初喺加拿大或香港做手術,情況可能唔會變得咁差。」至於同場的張繼聰近期接拍多部監獄題材的電影︰「今次呢部以東南亞監獄為背景,像真度相當高。(無冷氣?)連空氣都無呀!拍攝環境又污糟,不過反而容易入戲。」

撰文︰Steven

採訪︰Pauline

攝影︰林良明(部分)

美術︰梁政敏

自爆婚變暗示太太出軌 鄭浩南哽咽:物業無晒

鄭浩南情場失意,惟有專心掘金。

自爆婚變暗示太太出軌 鄭浩南哽咽:物業無晒

鄭浩南直認太太非常決絕,無法挽回感情。(微博圖片)

自爆婚變暗示太太出軌 鄭浩南哽咽:物業無晒

早前鄭浩南與徐浩昌(肥腸)拍廣告,扮演健身教練入型入格。(FB圖片)