敖嘉年智破獵頭公司電話騙案 直搗騙徒「巢穴」：搵份正當工作啦

敖嘉年近日為港台主持直播節目《凝聚香港》，DJ訓練班出身嘅佢相隔26年再返娘家、並且繼入行第一個喺TVB嘅電視節目《城巿追擊》之後，再參與同類型時事直播式節目。工作係主持類似《東張西望》嘅節目，現實嘅佢都盡自己能力「警惡懲奸」；話說佢早前收到詐騙訊息，機警嘅佢直搗對方「工地」，更教訓對方一番。

同場加映：炎明熹參加《聲生不息》贏經驗賺友情 辛苦兼顧學業工作：唔想做壞榜樣

{{hket:ul-video id="6546"}}{{/hket:ul-video}}

敖嘉年以往喺TVB演盡奸角，現實卻非常正義，日前佢收到詐騙訊息，火速踢爆對方後義正辭嚴又苦口婆心咁勸騙徒回頭是岸。敖嘉年將佢同對方嘅對話Post到限時動態，對方一開始已經表示自己係一間人力資源公司嘅經理，表示自己手頭上有多份待遇良好嘅工作，仲煞有介事咁提供自己嘅名片。

{{hket:inline-image name="307339322_481881670464892_2102851351793582288_n.jpg"}}{{/hket:inline-image}}

不過敖嘉年並冇相信，更直踩名片上嘅地址，問對方去到要搵邊個。當然對方知道自己已經事敗，就冇再回應佢，敖嘉年唔希望真係有受害者，再盡最後一分力勸對方「放弄屠刀」：「信我啦，好好地做人，搵份正當工作，信唔信因果呀？呃呃騙騙，因果嚟嘅時候唔係咁好受。」

大家如果收到疑似詐騙訊息，除咗向執法人員求助之外，如果有能力都不妨可以好似敖嘉年咁親身求證，不過當然都要量力而為。敖嘉年本身都「食過夜粥」，先後接觸過不同派別嘅佢喺百多種武術當中，最終「情定」北派嘅猴拳和劈卦，之後更拜陳觀泰為師，黃秋生係佢師叔，錢嘉樂則係佢師兄。