理想對象是多啦A夢 炎明熹自嘲九唔搭八

炎明熹（Gigi）前晚亮相王祖藍主持的綜藝節目《有個閨密叫祖藍》，17歲的Gigi透露已計劃好戀愛之路，並與家人商量好理想結婚年齡為30歲，而且理想對象要像多啦A夢，令祖藍哭笑不得。

節目中談到與After Class成員姚焯菲（Chantel）、鍾柔美（Yumi）及詹天文（Windy）的關係，Gigi對三人讚不絕口，她形容年紀輕輕的Chantel思想成熟，會分析道理給她聽；Yumi則非常活潑，是氣氛擔當；至於Windy就性格搞怪可愛。Gigi又慶幸首屆《聲夢傳奇》學員都不是爭勝心強的人︰「我哋個個都唔會話一定要贏，我覺得好難得。」不過Gigi直認性格怕醜慢熱，所以參加《聲夢》初期多數選擇坐在一旁，「嗰時未知道點樣同大家溝通得好啲，或者驚自己將話題終結。我覺得自己成日都九唔搭八，有時我聽唔明人哋某啲用語，我會畀咗反應先，然後偷偷地喺屋企查番個term係咩意思。」