被傳嘲諷張偉文坐輪椅唱歌 肥媽Maria Cordero爆另有其人：聽到話陰公

69歲「靚聲王」張偉文日前在元朗大會堂舉行《友情有義演唱會》，由於身體行動不便，惟有坐住輪椅獻唱。他在台上落力表演，而現場驚爆一位有「份量」兼聲大大的女歌手，以「慘不忍睹」來形容張偉文，引起外界不少猜測；當中有份去睇騷的肥媽（Maria Cordero），成為嫌疑人之一。

{{hket:inline-image name="09201001.jpg"}}{{/hket:inline-image}}

{{hket:inline-image name="1024_00759930d30f385246d78e74ec39b5d9saasftp20200221.jpg"}}{{/hket:inline-image}}

同場加映：炎明熹參加《聲生不息》贏經驗賺友情 辛苦兼顧學業工作

{{hket:ul-video id="6546"}}{{/hket:ul-video}}

肥媽昨晚（19日）接受TVB娛樂新聞台訪問，回應此事，她說：「我同黑妹（李麗霞）去睇，我哋去就唔買花籃，即時畀利是張偉文，我覺得咁樣直接好多。我哋就坐低聽歌，點知睇住佢推出嚟，我眼淺喊咗出嚟，黑妹見咁就叫我行啦，『走先走先』，話我影響到人哋，我喊得好勁。當時有好多我哋嗰行嘅人喺度，有人就講話『咁都叫佢出嚟搵錢？陰公』，係有人講，我聽到，嗰個就唔係我嚟，講嗰個人都係唔忍心，唔捨得。」

靚聲王｜張偉文康復後舉行首個線上演唱會 受訪時數度落淚多謝朋友支持【下一頁】

肥媽在訪問中未有道明說出「慘不忍睹」的圈中人是誰，她以歌手心態解讀張偉文堅持上台原因，表示：「你哋唔明白一個唱歌嘅人，任何環境都想唱，想表演，但係（說話）返番去佢（張偉文）耳仔，或者個意思係『表錯情』。（好支持張偉文？）係！一定！佢同我一樣樣，成日話我係佢家姐，哈哈！」

（↓點擊放大睇圖片↓）

此外，張偉文日前接受報章訪問時，對「慘不忍睹」言論仍未放下，聲稱很多人就算坐住都冇得唱，「坐住唱都唔簡單嘞！」激動承認自己好嬲，「我做咩事都係自己嘅事！」不明白對方為甚麼作出如此批評。

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】