鄭家生自覺惡相「岩巉」似殺人犯 做謝賢替身捱打10幾招冇有怕

現年66歲的鄭家生（原名鄭藩生），由於樣子惡形惡相，經常被無綫安排飾演惡漢，是「御用惡人」之一。鄭家生早前接受「香港演藝人協會」訪問，他笑言照鏡時都覺得自己似殺人犯，「監製嘅思維就係，一見到爛仔，黑社會，鄭家生啦，邊個唔想做小生呀？冇人做（衰人）咪我哋去做囉，咁我哋個樣真係岩巉吖嘛，我照鏡都睇到，自己成個殺人犯咁，我都覺得好凶悍，唔知點解而家年紀大咗，個樣好似善良咗。」

同場加映：炎明熹參加《聲生不息》贏經驗賺友情 辛苦兼顧學業工作

{{hket:ul-video id="6546"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

鄭家生兒時不愛讀書，讀到小學畢業就跟隨舅父的潮州戲班幫手，每逢盂蘭節，他就會被安排飾紅兵黑兵，對白只有「衝呀！殺呀！」生活逼人，他一家住徙置區，有9兄弟姊妹，一家上下住在只有100呎的地方。為了幫手搵錢養家，鄭家生之後跟了元家班的兄弟謀生，「嗰陣時日本人好興嚟香港旅行，去夜總會睇我哋表演北獅、高舞、羽扇舞、一個月都有400蚊（人工）；後來元家班去拍戲，我咪跟埋佢哋去。」

【御用黑社會】鄭家生做武師搏命連墊都唔敢攝 「習慣咗演咁多年都冇好人做」【下一頁】

{{hket:inline-image name="24.jpg"}}{{/hket:inline-image}}

70年代，鄭家生加入無綫任職武術副指導，他說：「做武術副指導係最著數，所有替身、有咩撈，都係副指導撈先，幾時輪到人哋呀。四哥（謝賢）啱啱拍嗰套《離別鈎》，嗰陣時做佢替身，因為我都算係高大，四哥又高大，所以差唔多係我替晒咁滯。1983年，導演叫我做埋演員，搵我哋去做，連替身都慳番，但嗰陣時就慘咯，3句對白，我寧願打10幾招，因為我噏唔到嗰3句對白，死背爛背，慢慢開始又得喎，所以慢慢轉咗做演員。」

無綫御用賊佬俾師奶指罵 鄭家生大平反：我飲啤酒都醉【下一頁】

鄭家生指自己不斷努力工作，一切都是為了家庭，「我又唔飲酒，又唔去蒲，又唔賭錢，收工就返屋企瞓，瞓3個鐘就去開工，而家差唔多半退休，死做爛做慳慳埋埋，都有些少（積蓄）頂住檔，如果冇病冇痛，過多20年都80幾歲，都夠皮啦！我一世人嚟講，覺得撈呢份演員，我都好滿意，我又唔係靚仔，冇乜學識，冇乜才能，撈到而家，仔又養大，樓又有，身體狀況仍然ok，今世人都冇乜憾事，下一世要我揀，認為我可以做番呢行，我都仲得！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】