30歲的章景恆（Tristan）在2011年以18歲之齡投考無綫藝員訓練班，轉眼間已11個年頭。Tristan最為人熟悉的角色可謂是在《愛回家》入面演「小吉」一角，而他最近亦有份參演《黯夜守護者》。不過他在兩套劇中的造型大相徑庭，Tristan接受《晴報》訪問時就自揭改造型的原因。
同場加映：一路瞳行丨吳千語經歷反叛期母女關係更好 與施伯雄感情穩定：我唔會放閃
提到在《黯夜守護者》一劇中最難忘的事，Tristan表示是與陳展鵬合作，「雖然之前都有同佢一齊開過幾套劇，但好多時候都係幾場之間嘅戲份。今次反而係第一次同佢由劇頭開到劇尾，見識到佢對戲劇嘅認真，每日開工就係鑽研同埋雕琢劇本，希望劇情上冇任何漏洞，盡善盡美令觀眾可以全程沉醉喺個劇情入面，呢樣反而係我最難忘嘅經驗！」
早在2011年入行的Tristan，指當年投考無綫藝員訓練班係「膽粗粗」，「嗰時仲讀緊書，人際課需要交project ，project 係喺拍微電影同三分鐘討論之間二揀一，咁我中學時都有參加劇藝社，加上當時年少氣盛，覺得大部分同學都只會揀較簡單嘅小組討論，所以我就膽粗粗揀咗拍微電影挑戰自己，自編自導自演自己剪埋片。到喺課堂播製成品，見到自己度啲笑位同學都笑得好開心，反應好熱烈，令自己好有滿足感。」而當時無綫正招募訓練班學生，因此Tristan就膽粗粗報名，怎料就成功入圍，演員一做就是11年。
Tristan入行多年出演過不少角色，但戲份一直不算重。於藝訓班畢業後，Tristan便加入處境劇《愛回家》的大家庭，「小吉」是他第一個入劇的角色。而在現正播出的《愛回家之開心速遞》中，他亦是飾演「小吉」一角，是茶飲店的店員。
在《愛回家之開心速遞》中，Tristan特意留長頭髮及留鬚，與以前「小吉」一角，甚至《黯夜守護者》中的角色造型完全不同。他笑言自己都想改變形象，「以前做戲比較幼嫩，令到個角色好小朋友定咗形，成日做𡃁仔角色；而家我刻意去改造型，留長頭髮同留鬚，希望改到戲路同做到多啲唔同角色。」Tristan表示改變造型後「轉運」，多了拍劇機會之餘，亦接到更多不同類型的角色。
《黯夜守護者》在1年多前拍攝，對比起最近Tristan在《愛回家》的造型，他現時的身形比起以前似乎漲了不少。Tristan就解釋是因為健康問題，所以時肥時瘦，「上鏡就尤其明顯，但其實個體重都係維持喺68-70kg左右。」
在同期訓練班的同學之中，如張振朗早已榮升男一，張明偉、阮政峰等都靠《愛回家》入屋，相反Tristan的星途平平，但他亦一早接受現實，並努力改變自己迎接新機會。Tristan又坦言自己無後悔做演員，「咁發展得好唔好冇人控制到，係講際遇。但入咗公司會遇到唔同年齡層嘅同事前輩，學到好多唔同嘢，催人成熟，對做人同人生有好多幫助！」
他坦言因演員收入唔穩定，一直都有返唔同副業幫補收入，「之前都有做過時裝店的part time 同做過送貨。而家喺出面做緊廚師，煮handmade pasta同pizza；之前都讀咗咖啡班、拉花班同咖啡烘焙班，學習多個技能進修自己。」Tristan表示之後如有機會的話，都想開一間屬於自己的Cafe。
黯夜守護者｜黃栢文為患癌愛孫挺而走「粉」 御用反派參考自身經歷演過氣黑幫【下一頁】
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】