71歲李司棋上周確診咳到出血 聽聞中招會減磅：我都冇瘦

現年71歲的李司棋昨日傍晚在IG上載一條她在家中戴住口罩，自行剪斷居家隔離的電子手環，留言表示：「重返『一線』藝人行列，上星期發病，頭兩日比較辛苦，之後都ok，到第六、七天就變返一線了。」不少網民紛紛留言叮囑司棋姐要保重身體，「恭喜你重返『一線』，但也要多休息，同調理好身體呀！」

同場加映：一路瞳行丨吳千語經歷反叛期母女關係更好 與施伯雄感情穩定：我唔會放閃

{{hket:ul-video id="6545"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="296898214_860890304894142_6467686103286514365_n.jpg"}}{{/hket:inline-image}}

司棋姐接受《晴報》電話訪問，她指自己精神不錯，但仍然聲沙沙，笑言是為食之過，「成個星期，諗住冇乜嘢，自己又為食，咪食咗幾粒餅仔囉，點知食完把聲沙咗；而且啲人話中咗招，因為冇胃口，所以會瘦，我都冇，因為我唔食嘢，就會即刻發冷，身體唔好就難打呢場仗，加上我又要食藥，所以傭人姐姐幫我煲粥、煮麵。」

李司棋好廚藝遺傳囡囡葉子青 離婚後母女關係疏離靠愛修補【下一頁】

她透露已打了3針，9月11日開始病發，「嗰日我返工之前做咗快測，一條線，放工之後有啲唔舒服，再做快測，瞓覺前又做一次，都係一條線，我心諗唔會中招嘅，應該係感冒，於是我就飲多啲水，瞓覺，到半夜，我咳到癲咗，發燒發到39度，所以星期一（12/9）、星期二（13/9）係最辛苦，咳到出血，因為咳到喉嚨損咗，我已經病到好攰，所以嗰兩日我都冇做快測，於是我打畀睇開嘅中醫，執咗藥送嚟我屋企，我再做快測，已經兩條線，我成個人亂晒，即刻叫傭人姐姐小心啲，成間屋噴吓消毒藥水。」隨後上報衛生署，進行居家隔離，並戴上電子手環。

李司棋稱自細唔鍾意做運動 被周潤發勸導行山跑步強健體魄【下一頁】

{{hket:inline-image name="305924991_653602469290118_1500233758641018187_n.jpg"}}{{/hket:inline-image}}

整個星期都待在房間裏，司棋姐坦言不覺得悶，她說：「我可以一個人自處，就算我而家剪咗手帶，我都唔會出街住，過多兩日先，其實呢段時間我有兩個party，但我都唔去喇，之後再去玩啦！」問到有否影響工作？司棋姐表示：「有呀，本身我要拍廣告，但而家拍唔到，冇辦法啦，改期再拍。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】