《好聲好戲》X《愛回家》︳袁文傑後來居上贏李佳芯出線 本周六同蘇韻姿樊亦敏爭總冠軍

第二季《好聲好戲》昨晚（21日）的一集，第三組完成比賽，Ali李佳芯找來黃庭鋒聲演《男親女愛》，可惜她臨場發揮失準，這回合只獲得5綠6紅燈的低分數，原本大熱的她被袁文傑後來居上，輸了專業評判的關鍵1分後，主席評判及導師的分數亦流失，結果以1比4落敗。這一組出線資格，落在越戰越強的袁文傑身上，他將於周六（25日）播出的一集，跟《愛回家》同劇演員蘇韻姿、樊亦敏爭奪總冠軍寶座。

{{hket:inline-image name="09221001.jpg"}}{{/hket:inline-image}}

{{hket:inline-image name="09221002.jpg"}}{{/hket:inline-image}}

同場加映：炎明熹參加《聲生不息》贏經驗賺友情 辛苦兼顧學業工作

{{hket:ul-video id="6546"}}{{/hket:ul-video}}

袁文傑、陸浩明及黃俊豪在「拍檔聲演」環節，分別發揮超水準，獲得評判全錄燈滿分成績，昨晚輪到大熱門的Ali壓軸出場，孖住好友黃庭鋒聲演《男親女愛》Do姐鄭裕玲、黃子華的角色，卻臨尾撻Q，Ali表現不如理想，只得5綠6紅燈的低分數，主席評判潘文柏批評：「好奇怪，你把聲好沙，完全出唔到效果...你太斯文嘞，點會演到Do姐嘅戲？你做唔到嗰種『辣』。」Ali解釋：「我好容易聲沙，講多幾句就會聲沙，之前綵排時唔敢用真聲，只係細細聲試...都冇辦法，臨場都係失準。」

好聲好戲｜李佳芯Ali聲演小丸子被讚神還原 配音員潘文柏同鄭伊健係結拜兄弟【下一頁】

Ali原本以1分之微領先排第二位的袁文傑，結果在這回合被反超前，先失去專業評判1分，而評判團經過商議後，導師龍天生、黃鳳英給予她1分，但阿姐汪明荃、梅小清及潘文柏分別投選袁文傑，最終Ali以1比4落敗，拱手相讓出線權予男方。Ali落敗後稱：「呢個回合連埋練習嚟講，真係做得最差嘅一次！唔知點解把聲未得，點樣準備都唔得...有時就係咁，好似演戲咁，如果當日狀態唔好，或者嗰一take演得唔好，之後所有嘢都會變得唔好。」

{{hket:inline-image name="TVB01.jpg"}}{{/hket:inline-image}}

{{hket:inline-image name="09221004.jpg"}}{{/hket:inline-image}}

好聲好戲丨吳幸美靠勤力三輪分數遙遙領先 票選脫腳未能晉級 網友戥唔抵【下一頁】

袁文傑勝出後，有感而發表示：「首先多謝阿姐、小青姐、柏哥，咁多位導師，亦要多謝阿滕（滕麗名）咁撐我，有佢企我側邊，我鎮定好多。記得上一輯尾段阿姐講過一番說話，『希望製作人唔好成日用嚟用去都係嗰幾個，多啲用其他人』，阿姐幫我哋講咗出嚟，我哋自己都要爭氣，努力爭取先得！我又好，在場幾位演員同事又好，希望畀人睇到我哋係有加把勁去爭取，尋求進步，多謝！」阿姐在台下頻頻點頭，「見到你哋嘅努力。」

（↓點擊放大睇圖片↓）

主持人阮兆祥稱，爭奪第二季《好聲好戲》總冠軍的參賽者，巧合地都是《愛回家之開心速遞》同劇演員，分別是蘇韻姿、樊亦敏同這集出線的袁文傑，「相信呢場《愛回家》內鬥，fans會睇得好開心。」另一主持馮盈盈仲搞笑話：「究竟邊一個可以成為總冠軍呢？咁就要繼續留意《愛回家》之《好聲好戲》！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】