胡楓康復出關宣布紅館騷改11月 免再確診少外出 學友依舊做嘉賓

90歲的胡楓（修哥）原定今個月中秋節（9月10日），在紅館舉行《修哥90迎金秋 無限楓騷演唱會》，可惜開騷前幾日確診，他於9月6日親自拍片報平安，透露正在居家隔離，希望盡快再上紅館。修哥日前已康復出關，今日（22日）聯同主辦方之一的何麗全，透過Zoom接受傳媒訪問，勁精靈同記者有問有答，並開心宣布演唱會改期11月12日舉行，嘉賓陣容差不多冇變動，契仔張學友如常擔任嘉賓。修哥的喜訊更是一個接一個，近日獲頒「第七屆世界傑出華人藝術家大獎」，他搞笑話攞這個獎感到汗顏，承諾90歲後會繼續努力。

{{hket:inline-image name="t4.jpg"}}{{/hket:inline-image}}

{{hket:inline-image name="t5.jpg"}}{{/hket:inline-image}}

同場加映：一路瞳行丨吳千語經歷反叛期母女關係更好 與施伯雄感情穩定：我唔會放閃

{{hket:ul-video id="6545"}}{{/hket:ul-video}}

修哥今日聯同何麗全透過Zoom做訪問，二人全程戴上口罩，做足安全措施。問修哥現時身體狀況？他說：「算係復原得快，我呢次雖然中咗招（即確診），但係有樣嘢係非常之開心，好多朋友Whatsapp同打電話問候我，令到我喺病之中都好開心，哈哈！」對於演唱會由中秋改期至11月，修哥坦言籌備功夫一樣，都是跑步同練歌，最重要練熟所有歌曲。提到改期有否令嘉賓重新度期帶來麻煩？他說：「對於嘉賓嘅嘢，我就唔嫌麻煩，因為交由何麗全同主辦單位去搞，我工作就係唱好我嘅歌，其他嘢我都唔理，一直以嚟都係主辦去處理嘉賓問題。（張學友仍會出現？）應該係。（有冇感動嘉賓肯遷就？）梗係啦，老實講所有嘉賓都幫過我，真係唔想再驚動佢哋，不過佢哋咁有熱誠幫我做嘉賓，我都好樂意、好開心。」

90歲胡楓確診新冠肺炎緊急停工 中秋日場紅館演唱會宣布延期【下一頁】

修哥這日見人中氣十足，他說：「所以平時健康好緊要，就算係中咗招，你有健康都好快好番，復原會比較快啲，不過食得西藥多就並唔係咁好，哈哈！（有食中藥調理身體？）有，有食中藥去中和西藥。（有額外食補藥？）冇，我唔知道應該要食乜嘢，都係飲啲陳皮川貝，亦有好多朋友用啲靚陳皮燉川貝畀我食。（開騷前會否減少外出以免再確診？）真係有減少啲出去食飯，原因困咗喺間房十幾日，連客廳都唔會出，如果好番唔出去social吓，個人會『鈍』好多，所以希望出去同朋友social，不過唔好學以前咁多嘞，少啲啦。（隔離日子好苦悶？）我好適應，雖然有10日、8日喺間房度，我都OK，唱吓歌、郁動吓，食完西藥有時會瞌眼瞓，咁就瞓覺休息吓、飲杯水，有時喺房又會睇電視，總言之我唔會悶，自己可以調節。」

90歲再戰紅館｜胡楓開騷前意外弄傷右腳膝頭 親報平安：唔覺意整親總有【下一頁】

提到仍是下午開騷的決定，修哥原來一切是為方便長者，「原本最鍾意開夜場，因為已經習慣咗，不過有次朋友同我講，開到咁夜又有啲長者喺度，走時又要等車又等唔到，有啲又喺度嘈話冇車，我聽到之後係非常之唔安樂，人哋去捧你場，散場時夜媽媽又冇車走。呢次大會提議（下午）三點鐘，我就拍手話好，等觀眾睇完騷仲係光猛猛咁返屋企，因為我嘅觀眾多數上咗年紀，所以呢次提議三點鐘開騷係非常、非常之樂意，雖然知道我未必開到聲，最主要係方便啲老友記。」

（↓點擊放大睇圖片↓）

追問獲得傑出華人藝術家大獎拎獎感受，修哥風騷表示：「好開心亦都好慚愧，我只不過係一個電影、電視工作者，並唔屬於咁傑出人才，能夠有呢個獎，我好汗顏，畀我一個鼓勵，90歲之後會繼續努力。（身邊朋友知道得獎？）有，呢次『中招』有好多朋友問候我，得獎亦有好多朋友恭喜我。（最傑出是那方面？）我唔覺自己點樣傑出，有一樣嘢係好堅持，對工作嘅熱誠，非常、非常之認真，相信呢個係我傑出嘅地方。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】