黛安
黛安

麥當勞減塑轉用木餐具 郭富城+Baby Shark推環保教育

發佈時間: 2022/09/23

麥當勞減塑轉用木餐具 郭富城+Baby Shark推環保教育

麥當勞一直致力實踐可持續發展願景,喺產品同包裝方面亦提供環保綠色嘅選擇。黛安收到風,全綫麥當勞餐廳及McCafé即日起,會分階段停止提供即棄塑膠餐具並轉用木餐具。麥當勞仲會聯同Pinkfong Baby Shark推全新環保圖書系列,鼓勵大家攜手實踐綠色生活,並邀郭富城擔任環保大使一齊推動環保教育。

黛安聽香港麥當勞行政總裁黎韋詩分享,佢話透過全綫餐廳及McCafé分階段轉用木餐具,希望達至每年減少使用約1億件塑膠,「同時鼓勵顧客喺日常行動中培養環保生活習慣,一齊為地球減塑、麥麥行多步。」

麥當勞今次聯同Baby Shark推出嘅系列圖書有6款,今日(23日)起,一連3周輪流隨「開心樂園餐」附送,主題分別為「減塑學堂」、「飲管NO!NO!NO!」、「幫幫大森林」、「節能鯊魚寶寶」、「大嘥鬼NOWAY」及「大戰垃圾大魔王」,讓小朋友從小建立環保意識,數量有限,送完即止。

另外,想睇環保大使郭富城及Baby Shark合作嘅環保宣傳短片,可【按此】瀏覽。

撰文: 黛安 消息特靈八卦公關
欄名: 八卦名利場