風騷公布11.12重啟演唱會 90歲胡楓獲「傑出華人藝術家大獎」

胡楓（修哥）原定本月10日假紅館舉行《修哥90迎金秋無限楓騷演唱會》，惟開騷前不幸確診，無奈將個唱延期。近日已康復並出關的修哥，昨日透過視像訪問宣布演唱會落實於11月12日舉行，天王契仔張學友會如常任嘉賓；另外，修哥近日獲頒「第七屆世界傑出華人藝術家大獎」，可謂雙喜臨門。

90歲的修哥昨日與演唱會主辦方之一的何麗全，透過Zoom接受傳媒訪問，中氣十足又精靈的修哥，對記者問題有問必答。問他現時的身體狀況？修哥表示有食中藥調理身體，亦有喝陳皮川貝潤喉，性格樂觀的他又說︰「呢次雖然中招，但好開心好多朋友都WhatsApp同打電話問候我，令我喺病之中都好開心，哈哈！」雖然隔離期間要被困房中近十日，但修哥指不覺悶，「我好適應，喺房唱下歌、郁動下，食完西藥會攰就瞓覺，有時又會睇電視，總之唔會悶。」

學友鐵定做嘉賓

修哥為11月舉行的演唱會埋首排練，指最重要是記熟歌詞，嘉賓方面則不用他煩惱，「因為主辦單位會搞，我唔會理，學友都仍然會出現。」提到個唱在下午三時舉行，修哥坦言是為了方便一班「老友記」，他表示︰「有朋友同我講，開到咁夜，啲長者走嘅時候等唔到車，搞到我好唔安樂，所以呢次大會提議開下午場，我就拍手話好，等觀眾睇完個天仲係光猛咁返屋企。」

另外，修哥最近獲得「傑出華人藝術家大獎」，他坦言開心又慚愧，「我只不過係一個電影、電視工作者，並唔係傑出人才。得到呢個獎，我好汗顏，不過對我係一個鼓勵，90歲之後都會繼續努力。」他表示對工作仍然充滿熱誠、認真和堅持，相信這便是他傑出之處。

撰文︰倪小珊

美術︰梁政敏