【聲明】港生活網站並無進行電話推廣活動

無悔離巢期待好發展 陳思圻張明偉助開電視硬撼無綫

發佈時間: 2022/09/26

無綫處境劇《愛‧回家之開心速遞》的「細龍太」陳思圻(前名︰陳偉琪、Vicky)和「佐治」張明偉先後離巢,最近倒戈為香港開電視主持節目《Summer Girls》。雖然他們曾拍攝同一劇集,不過原來從無同場機會,今次首度拍檔,卻默契十足兼火花四濺。兩人現無大公司支持,但對離巢外闖卻從沒半點後悔,期待未來有更多的可能性。

香港開電視水着選美節目《Summer Girls》昨晚推出,力撼同一晚直播的TVB《2022年度香港小姐競選》,並邀請了離開無綫的「脫無者」陳思圻和張明偉擔任主持,加上本身也是港姐出身的Vicky,話題性十足!

Vicky以往有不少主持經驗,但今次最好玩的地方,是極大自由度,「因為拍攝想保持神秘感,連主持人都唔知下個環節點玩法。我同張明偉嘅火花一定有啦,以前喺舊公司化粧間見到會打招呼,但大家係唔認識嘅,一直以為佢『Kai Kai(傻傻)地』,點知識落發現仲『Kai』。但好開心,因為我哋份人都好真,傾下入行辛酸史,好有共鳴!」

Vicky談選美︰唔係一味要瘦

Vicky曾經揚言不會被外間的審美眼光而局限自己,她着重健康美︰「唔係一味要瘦,我覺得性感唔需要定義,自己覺得靚就着出嚟。今次節目無分冠亞季軍,正正因為每個人嘅審美眼光都唔同,各花入各眼,我問身邊朋友鍾意邊個參賽者,大家嘅答案都唔同!」另外,提到14位參賽者的身材都相當出眾,會否擔心外界認為是「僭建」或後期加工?Vicky說︰「最緊要靚同自信,講真過去選美都會加(胸)墊啦,為咗着晚裝靚啲啫!」問到今次打正旗號挑戰無綫港姐競選,2013年選港姐而入行的Vicky說︰「無諗過要較勁,我只係想做好個節目,呢段時間好多香港人無得去旅行,無乜娛樂,希望呢個節目可以帶畀大家開心!」而張明偉則說︰「係良性競爭嚟,大家可以選擇睇自己鍾意嘅節目!」

兩位被形容為「脫無者」,張明偉說離開舊公司後,工作安排更具彈性,而且人生體驗更豐富,「除咗拍片同幕後工作,我仲兼職做埋裝修,有時要日曬雨淋係辛苦,但令人生多咗歷練。雖然有時會掛住班舊戰友,但每人都有新章節要展開,係值得期待!」而Vicky直言過去收入以司儀工作為主,但疫情三年多以來,大型晚宴幾乎歸零,一早有另覓出路的打算,「有得拍呢個節目,同大家見下面,我已經好開心,將來有機會拍旅遊節目或者拍戲就更好啦!」

一按睇片

陳思圻

髮型︰Ryan Leung@Saloon Roarguns(Pacific Place)

撰文︰楊安莉

攝影︰何家賢

美術︰梁政敏

無悔離巢期待好發展 陳思圻張明偉助開電視硬撼無綫

Vicky對演藝事業仍有一團火,期待未來有更多演出機會。

無悔離巢期待好發展 陳思圻張明偉助開電視硬撼無綫

張明偉與《Summer Girls》參賽者合作愉快。(IG截圖)

無悔離巢期待好發展 陳思圻張明偉助開電視硬撼無綫

Vicky與鄭世豪(右)憑《愛‧回家之開心速遞》的「細龍太」、「細龍生」而成功入屋。(IG圖片)

無悔離巢期待好發展 陳思圻張明偉助開電視硬撼無綫

張明偉飾演的「佐治」成為其代表作。(IG圖片)

無悔離巢期待好發展 陳思圻張明偉助開電視硬撼無綫

張明偉努力去做一個創作歌手。(IG圖片)