2022香港小姐競選丨冠軍林鈺洧避談「性女港姐」稱號 許子萱奪亞軍黑面被網友Cap圖：有失望

《2022香港小姐競選》昨晚圓滿落幕，冠、亞、季軍分別是林鈺洧（Denice）、許子萱及梁超怡，Denice獲獎時O嘴，一副難以置信的表情，完成比賽後，Denice受訪時，問到她想對爸爸林俊賢說些甚麼是？她說：「我有好多說話同Daddy講，我嗰時問你好唔好參加港姐，你叫我唔好玩，我而家拎咗冠軍喇，多謝！（爸爸好開心？）我諗佢會好驚喜！佢唔贊成我嚟參加！」有網民認為她說話粗魯，態度不敬，對爸爸說的一番話不太禮貌。

同場加映：Summer Girls丨張明偉陳思圻靠自己無悔離巢無綫 節目撼港姐：良性競爭先有火花

{{hket:ul-video id="6643"}}{{/hket:ul-video}}

Denice昨晚登上冠軍寶座，今日立即履行港姐職務，以應屆港姐冠軍身分出席「無綫電視55周年台慶亮燈儀式暨記者會」，陪同主席許濤主持亮燈儀式。及後她接受訪問，透露昨晚完騷後1、2分鐘，收到爸爸的恭賀短訊+爆仗emoji，「佢應該冇睇電視，係朋友話佢知，（網民話你唔尊重老竇喎？）係佢教我講㗎！仲記得參賽期間，我第一次做訪問，有記者問我『爸爸會唔會嚟』...爸爸睇完嗰次訪問，畀建議我，叫我答問題唔需要咁正經，可以真性情啲，講真話。」

{{hket:inline-image name="5423.jpeg"}}{{/hket:inline-image}}

對於Denice當選後被翻舊帳，指她在ViuTV節目《對號入座》（2020年）中大談性話題，稱有過5位性伴侶。Denice說：「已經過咗去啦！希望大家將焦點放喺香港小姐上面，之前上節目，佢嘅話題其實係關於星座...而未來1年我會履行香港小姐職責。（有人形容你係性女港姐）時間會沖淡一切，我個人比較直接...幾年前上咗寶貴一課，冇諗過公眾人物講一句會維持咁耐。」有指當選一刻忘形走光，她稱一切太突然，來不切反應，「太大意嘞！」

網民指亞軍許子萱黑面，她受訪時承認︰「我諗住唔笑住，宣布係我（得獎）先笑得燦爛啲！老實係有少少失望，唔係所有嘢都完美，不完美嘅完美都係一種經歷。（係咪衰擦鞋扣分？）我覺得自己答得好好呀，曾生（曾志偉）只係開玩笑。」

至於曾志偉指大多數人對港姐決賽感滿意，「昨晚到今朝收到好多祝賀電話，50周年香港小姐盛會喎！為表示對港姐嘅尊重，咁多屆港姐都返咗嚟，講吓當年參選感受，好難得。你睇到我哋穿舊衫，問一啲舊嘅問題，問題取材亦富有娛樂性，觀眾自然睇得滿意。」

{{hket:inline-image name="W.jpeg"}}{{/hket:inline-image}}

當提到1號徐麟被網友狠批廣東話差，曾志偉指她一直落力學好廣東話，「可能佢緊張啦，講嘢得比較急，大家先聽唔明。唔識廣東話就唔接納？佢係香港人，有身份證就接納。咁樣總好過全程用國語唔講廣東話啦，佢有用心去講，廣東話唔純正根本唔係大問題。」

{{hket:inline-image name="miss3_600.jpg"}}{{/hket:inline-image}}

問到冠軍林鈺洧當選後被翻出性史，曾志偉指從來不會翻舊帳，「每個人都有佢過去。我識佢老竇，都有畀好多鼓勵細姪女，佢初初好大隻，減10公斤唔容易。昨日佢好彩，喜怒哀樂有齊...幫佢加唔少分。」

講到季軍梁超怡可能成為第一位有紋身而打入三甲的港姐，曾志偉就表示歷屆都有港姐有紋身，是普遍事，「只要唔係太多就冇問題啦！如果太多遮蓋唔到就冇辦法畀佢比賽，盡遮啦！」

{{hket:inline-image name="5244532.jpeg"}}{{/hket:inline-image}}

早前，監警會委員余黎青萍點名指批評無綫電視總經理曾志偉以及無綫電視「香港小姐」選美比賽的泳裝環節，問到泳裝環節會否因輿論而不敢少布？曾志偉回應：「唔會因為任何評論而多布與少布，交畀服裝設計師去做。（點解冇回應被點名一事？）坊間回應比我回應更好，好多網民、電台同專欄都有評論，無須再多講（言論攻擊你？）冇所謂啦！呢個可能係我人生高度，唔平望唔通望天咩？一笑置之。」

圖片來源：資料圖片、東星、IG圖片

2022香港小姐競選決賽丨 林俊賢愛女林鈺洧勇奪冠軍O嘴 許子萱梁超怡分別得到亞軍季軍【下一頁】

採訪： 梁紹明