【聲明】港生活網站並無進行電話推廣活動

50場舞台劇《最後禮物》圓滿落幕 黃子華有意拍成電影

發佈時間: 2022/09/27

黃子華和潘燦良主演的舞台劇《最後禮物》前晚演出最後一場,對於能夠在疫情下順利完成50場演出,子華坦言每場耗盡精力,做到死一樣;但他有意將舞台劇搬上大銀幕,讓更多觀眾能夠看到他們精采的演出。

黃子華在前晚開場拜神時,自爆前一晚夢見這場是opening,他笑言︰「嘩,醒咗幾驚呀…」繼而搞笑扮暈倒地上。不過到完場謝幕時,子華和眾演員均表現得依依不捨,潘燦良更表示︰「我呢世,可能得呢次機會同子華合作。所以好珍惜,子華我會懷念你。」

子華感謝每一位台前幕後的藝術工作者,又點名拍檔潘燦良︰「阿燦就唔使講啦,佢係我honey,我直頭係佢fans!」子華又指今次演出絕對是可一不可再︰「其實每場我都驚係最後一場,我驚我會死,唔係怕疫情定咩病嗰啲,而係因為每演完一場都死咁滯。」

子華提詩互勉

演出完畢後,子華在後台跟大家開香檳慶祝,有人提議將《最後禮物》變成電影搬上大銀幕,子華點頭認同︰「真係可以喎,我哋有錄影,可以直接喺戲院播成個舞台劇,等更多人睇到個製作,呢個真係一個好提議!」阿燦亦希望能帶起這股風氣。事後子華在社交網感性寫道︰「歐陽晴,五小時後各奔前程!保重,以抗生之虛妄,保輕莫懼現實鉛沉!互勉!」盡顯不捨之情。

撰文︰倪小珊

美術︰梁政敏

50場舞台劇《最後禮物》圓滿落幕 黃子華有意拍成電影

子華與台前幕後一起在後台開香檳慶祝。