【聲明】港生活網站並無進行電話推廣活動

爆老公遭賓客「恐嚇」 陳煒收新婚禮物感動眼濕濕

發佈時間: 2022/09/28

陳煒前晚與醫生男友陳國強結婚擺酒後,不夠24小時便立即復工,昨日下午便現身宣傳劇集《黯夜守護者》。新婚的煒哥甫現身,現場粉絲即大叫「陳太」;粉絲又上台送上蛋糕、鮮花及飾物給煒哥,希望偶像除了是「最佳老婆」,亦是「2022最佳女主角」,令煒哥感動得熱淚盈眶。

陳煒和陳國強前日簽紙結成夫婦,晚上則宴請親朋好友,陳國強席上向太太宣讀愛的宣言:「我想喺呢度,回應佢之前講50年不變嘅報道,我喺度講我係會『50年+1日』不變,嚟緊呢段時間都會錫你、寵你、愛你!」到了拋花球環節,同樣單身的朱晨麗及江美儀力爭花球,結果由朱晨麗成功搶到。

新婚翌日,煒哥和老公便如常工作,煒哥下午與陳敏之、袁文傑及江嘉敏等一同現身宣傳活動,她坦言婚禮上的一切皆十分感動,又大爆老公不斷被她的好友們「恐嚇」︰「佢哋係咁叫陳醫生要對我好啲,如果對我唔好就打佢,陳醫生惟有不斷講『係,知道』。」煒哥又透露在婚禮上聽不懂老公「50+1」愛的宣言,要事後再問老公:「老公意思係唔想我有傷心嘅時候,因為我每次睇Supper Moment《最後晚餐》嘅動畫MV,都會感動到喊,佢想同我白頭到老,互相扶持。」

袁文傑召「細妹」邢慧敏拍《愛•回家》

提到朱晨麗接得花球,煒哥大爆對方將會出席相睇活動,「佢要求我陪佢去,幫下佢眼,但未約到時間。(叫陳醫生介紹醫生朋友?)佢啲朋友都老喇!(朱晨麗嫌老?)唔係,係年齡層上唔適合。」另外,袁文傑被指與「友誼小姐」邢慧敏撞樣,袁文傑笑說:「話我哋係兄妹吖嘛,側面都有少少似嘅。(同佢合作?)好呀,搵佢拍《愛•回家》囉,潮偉可以有個妹,叫潮妹。」

採訪︰倪小珊

攝影︰林良明

美術︰梁政敏

爆老公遭賓客「恐嚇」 陳煒收新婚禮物感動眼濕濕

煒哥和老公陳國強在婚宴上三度親吻。

爆老公遭賓客「恐嚇」 陳煒收新婚禮物感動眼濕濕

朱晨麗前晚成功搶得花球。

爆老公遭賓客「恐嚇」 陳煒收新婚禮物感動眼濕濕

袁文傑自覺跟「友誼小姐」邢慧敏(小圖,資料圖片)似樣。