星光匯聚成翡翠︳尋回1983年唱贏張學友參賽者 疑抄《尋人記》連睇片都一樣

由阿姐汪明荃主持、吳幸美旁白的無綫全新節目《星光匯聚成翡翠》，昨晚（27日）播出第二集，內容訪問了TVB外判旗袍師傅殷萬年、1983年《盡顯才華Sing聲星》台主李廷川及昔日的追星族等，感覺勁似今年熱爆的《尋人記II》，再加上開場的畫面又相近，如果方東昇在畫面上出現，分分鐘令人誤會是第三輯的《尋人記》。

{{hket:inline-image name="09281005.jpg"}}{{/hket:inline-image}}

{{hket:inline-image name="09281006.jpg"}}{{/hket:inline-image}}

同場加映：黯夜守護者丨區明妙循亡父教導選擇無悔的路 18歲起財政獨立望照顧好媽媽

{{hket:ul-video id="6644"}}{{/hket:ul-video}}

阿姐當然不用學方東昇團隊的做法，落手落腳去追尋受訪者。昨晚一集落區去搵86歲的殷萬年師傅做訪問，對方為她做衫已有幾十年時間，二人甚有淵源，但從未見過面，多年來幫阿姐度身的，其實是殷師傅的表哥。阿姐表示：「殷師傅嘅手工好細緻，『滾條』做得好靚，長衫最緊要係鈕同『滾條』，佢自己整嘅鈕又好多花款，襯衫配顏色，出嚟效果好靚。」節目中展示2000年阿姐主持《紫荊慶豔吐歡騰》穿過的綠色旗袍，懷緬一番。

{{hket:inline-image name="09281004.jpg"}}{{/hket:inline-image}}

{{hket:inline-image name="09281001.jpg"}}{{/hket:inline-image}}

星光匯聚成翡翠丨汪明荃親民落區同觀眾近距離接觸 TVB忠粉頻頻上節目老是常出現【下一頁】

第二個環節「Sing聲‧摘星」就圍繞四大天王，由吳幸美負責旁白，講到張學友於1983年參加《歡樂今宵》舉行的《盡顯才華Sing聲星》比賽，以關正傑的《遲早是一對》作為挑戰歌，而台主李廷川就選唱蔡楓華的《誓言》，可惜學友的分數以38比44落敗，主席評判、歌唱家周文珊老師指學友唱得不夠連貫，尾音不夠氣，可能同呼吸方式有關係。節目找來當年評判之一的陳百祥，今時今日再給學友評語，他依然維持原判，「台主唱得好過佢嘅，好似我哋所謂...初出嘅馬，腳法未成熟。」

尋人記II丨龜兔賽跑夫婦相距一年陰陽相隔 首輯節目意外拍下遺言大派洋蔥【下一頁】

四屆台主李廷川相隔多年再上鏡，他現職印刷設計公司的經理，近幾年亦有走上街頭表演。節目中，他用電腦睇舊片段，畫面同《尋人記》如出一轍。李廷川說：「而家回望，曾經有過咁嘅對手，喺人生經歷裏面叫做有個紀錄，上過電視。有試過去一啲唱片公司試音，佢哋話『唔好意思，想搵一啲新人，你唱歌比較老練，人哋唔信你係新人』，咁就完咗。（唱贏學友係合理賽果？）當晚係，可以咁講，之後就冇可能贏，佢進步係幾級咁上。」

（↓點擊放大睇圖片↓）

「追星族話題」則找來樂隊溫拿的歌迷Fion及學友歌迷阿詩，分享昔日去電視台錄影廠睇星的情況，由《溫拿狂常曲》講到《勁歌金曲》，播出不少舊片段，有很濃烈《尋人記》的影子，該節目也實在太深入民心。

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】