你是我的後援會︳當奴感恩拍檔當年求情 助返幕前 被少爺占爆為一張相嬲足十幾年

由商台DJ少爺占（甄子康）及當奴（唐劍康）組成的艾粒，多年來合作無間，今年踏入20周年大日子，可見兩兄弟默契相當。昨晚（28日）ViuTV的新節目《你是我的後援會》，請來艾粒分享他們的共同經歷與難忘回憶，並透過簡單測試來考驗二人忠誠度及相處之道。 

{{hket:inline-image name="2022092818.jpg"}}{{/hket:inline-image}}

{{hket:inline-image name="2022092819.jpg"}}{{/hket:inline-image}}

同場加映：黯夜守護者丨區明妙循亡父教導選擇無悔的路 18歲起財政獨立望照顧好媽媽

{{hket:ul-video id="6644"}}{{/hket:ul-video}}

少爺占和當奴同是商台DJ，當奴早年由於人事變動關係，由幕前被調到製作部，改投幕後的工作；幸好獲得少爺占仗義相助，邀請參與廣播劇兼幫忙求情，令他成功重返幕前崗位。當奴表示：「嗰時寫I Love U Boy'z廣播劇時已調咗去製作部，好似係蘇施黃入咗商業二台，揀咗啲啱啱做嘅DJ跟佢學嘢。」少爺占憶述當年放假旅行回公司後，驚覺有幾個同事已被辭退，而當奴就被公司調部門，「我話『唔係呀？佢自己申請定咩？』，去樓下買汽水時見到佢著住西裝，仲同我講練緊倉頡輸入法，打嗰啲騷資料畀司儀同藝人睇。」

爆谷一周｜艾粒爆「許張周」男歌手用增高鞋墊 Donald自爆因乜首次扮女人【下一頁】

當奴續說：「佢好好，感覺嘅係當佢知道呢件事去求情，佢話『阿奴咁好笑，你哋調走佢？』。好在我返正常辦公時間，佢就返下午時間，咁就搵我錄廣播劇。」少爺占解說：「繼續有佢把聲可以一至五喺電台出現，嗰時都係諗住搵佢錄嘅，冇第二個替代方案。咁就錄錄吓，唔知佢用咩詭計又返番嚟。」當奴聞言作出補充：「嗰時你有個組合叫3P，搵咗我寫首歌，跟住二台阿頭話幾好，於是叫咗我返嚟。（變相成功打救你？）會，我好感恩，所以每年會去泰國拜佢。」

（↓點擊放大睇圖片↓）

艾粒之後互爆對方的秘密，少爺占指當奴有一件事已耿耿於懷十幾年，就是有本雜誌邀請相士講面相主題，分析「雙目無神」時竟然用當奴的照片來做示範，令他「嬲咗十幾年 」。當奴聞言即否認話：「冇嬲，我唔開心啫！」，之後他反擊話少爺占唯一的死敵是他的兒子，話有次發現少爺占在公司抽泣，原因只是因為他被囝囝「駁嘴」。當奴被問到如何形容合作20年的拍檔時，他說：「如果有日對方需要捐贈器官，咁我緊係第一個去做呢樣嘢……唔敢諗冇咗少爺占會點。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】