夫妻情趣？ 李亞男爆王祖藍愛被竇放屁

由王袓藍主持的《有個閨密叫祖藍》將於本周六播出最後一集，終極嘉賓原來是太太李亞男（Leanne）。華姐出身的Leanne一向予人高貴大方的形象，但對住老公祖藍即展現粗魯一面，又多番扮惡「兇」祖藍；但祖藍不怕老婆，還多番捉弄愛妻，令Leanne多次忍笑扮嬲兼反白眼。

兩公婆在節目中互爆對方黑材料，祖藍投訴Leanne在家中「太過華姐」，Leanne則還擊大爆老公經常惡意放屁：「佢成日喺個被竇入面放屁，佢明明可以講句『唔好意思』，然後出一出去…重點係我仲喺被入面。」結婚七年的「藍男」公然大耍花槍，Leanne向祖藍要求公主抱，最終祖藍出盡奶力，還是抱到手震震，場面搞笑。