【聲明】港生活網站並無進行電話推廣活動

冠軍林鈺洧被封「性女港姐」 陳凱琳鼓勵:用工作證明自己

發佈時間: 2022/09/29

陳凱琳(Grace)昨午現身中環鬧市為茶飲店擔任嘉賓,身為13年港姐冠軍的Grace亦有留意今屆港姐競選,提到冠軍林鈺洧當選後被翻炒五年前的「性女言論」,Grace即維護及鼓勵師妹︰「用工作證明自己係一個勤力嘅女仔!」

提到不少網民批評今屆港姐新不如舊,陳凱琳直言︰「我嗰屆都一樣咁講,每年都有好與唔好嘅新聞,呢班女仔辛苦咗兩個月,希望大家專注好嘅一面,畀多啲鼓勵。」提到林鈺洧贏得冠軍後,五年前公開談性的節目被翻炒。Grace指會對林造成壓力︰「大家都知呢行好多花邊新聞,應該專注依家,佢將來可以用工作證明,自己係一個勤力嘅女仔。(今屆有好多鄉音佳麗?)我喺加拿大成長,返嚟都要慢慢適應香港文化同語言,大家睇番九年前同依家嘅我,會發現中文進步咗。」

笑老公對飲食無要求

另外,昨日Grace在活動上示範沖調珍珠奶茶,表現似模似樣。她笑指一向喜歡甜食,靠做運動保持體態。Grace又大爆老公鄭嘉穎的飲食習慣,指老公喜歡鹹味食品,「佢對食物要求唔高,食得飽就得。」

攝影︰林良明

美術︰梁政敏

採訪︰Steven

冠軍林鈺洧被封「性女港姐」 陳凱琳鼓勵:用工作證明自己

林鈺洧曾在ViuTV節目中爆性史,日前她表示已受了教訓,日後會慎言。(資料圖片)