【聲明】港生活網站並無進行電話推廣活動

自認未夠料不妒忌炎明熹 冼靖峰努力裝備等發圍

發佈時間: 2022/09/29

冼靖峰(Archie)參加《聲夢傳奇》而入行,甫出道便備受無綫重用,先後推出個人單曲及拍攝校園劇《青春本我》,早前又獲安排北上拍攝內地劇集《戀戀紅塵》,機會不斷。不過,相比炎明熹(Gigi),Archie仍需努力追趕,他表示從無妒忌對方,自認各方面都未夠好,會努力裝備自己,讓觀眾認同。

現年24歲的冼靖峰,與炎明熹同是《聲夢》出身,Gigi參加《聲生不息》在中港兩地人氣急升,工作接踵而來,小小年紀已經名利雙收。問到Archie可有羡慕對方?「佢參加綜藝,我拍劇集,大家路向都唔一樣。我拍完內地劇,接觸多咗唔同嘅人,眼光擴闊咗,發覺自己好多嘢其實都未ready好,無論係唱功、演技、對答以至個人素養,我都未ready好,反而Gigi各方面都一樣掂。知道自己不足嘅地方,我會提升自己,希望得到觀眾認同。」

獲偶像張敬軒鼓勵成動力

Archie被外界讚有張敬軒影子,他感到十分榮幸,「佢係我偶像,視佢為學習對象,我會學佢唱歌,所以會有少少佢嘅風格,我同軒仔私底下都有聯絡。」早前軒仔開演唱會,邀請新一輩歌手擔任嘉賓,因Archie未有獲邀,令粉絲替偶像不值,在網上引起熱議。Archie透露曾私下聯絡軒仔,「因為我驚會影響佢開騷嘅心情,同佢講唔好意思,佢話無受影響。其實軒仔畀咗我好大鼓勵同支持,叫我最緊要做好啲作品畀人睇,我一直記住。」

另外,早前因「沙士言論」搞到滿城風雨,Archie指經一事長一智,「睇番以前啲訪問片段,覺得有啲語氣同用字都唔係太好,反省完我會去改善。睇到有啲網民留言好mean(尖酸),唔開心一定有,但條路仲有好長要行,一定會進步畀觀眾睇,呢個先最重要。」

攝影︰林良明

美術︰梁政敏

撰文︰倪小珊

自認未夠料不妒忌炎明熹 冼靖峰努力裝備等發圍

Archie早前與內地演員娜扎和徐開騁拍劇集《戀戀紅塵》。(IG圖片)

自認未夠料不妒忌炎明熹 冼靖峰努力裝備等發圍

Archie透露跟軒仔私下有聯絡,「但又唔可以話好熟」。(資料圖片)

自認未夠料不妒忌炎明熹 冼靖峰努力裝備等發圍

Archie和Gigi同樣跟高晨維學唱歌。(資料圖片)