MIRROR復工丨ViuTV《野人老師》下周一首播 Stanley憶公開試失手攬Miss爆喊

人氣男子組合MIRROR休團已經兩個月，踏入10月，由鄭丹瑞（旦哥）、邱士縉（Stanley）、陳瑞輝（Frankie）、沈殷怡、談善言等主演的ViuTV開拍的劇集《野人老師》，將於10月3日首播。

同場加映：Summer Girls丨張明偉陳思圻靠自己無悔離巢無綫 節目撼港姐：良性競爭先有火花

{{hket:ul-video id="6643"}}{{/hket:ul-video}}

{{hket:inline-image name="5.jpg"}}{{/hket:inline-image}}

{{hket:inline-image name="100.jpg"}}{{/hket:inline-image}}

故事講述一對教師父子李世豪（旦哥 飾）、李白（Stanley 飾）經營鄉郊學校，以「生活融入教學」為理念。李白、顏家棟（Frankie 飾）攜手建立補習王國，但李白因醜聞而離開補習社，太太（沈殷怡 飾）又嚷着離婚，他失去了事業、家庭，萬念俱灰下返回成長地坪澳灣。李世豪是香港傳奇教育人物，在坪澳灣建立了一所「大地小學」，崇尚另類教學，追求純樸的大自然生活，他擢升兒子為副校長，要李白面對教育難題，幾經波折，他終於明白父親的教育理念，「生活本身就是一堂最好的教育課」。

師兄歸位│傳MIRROR 10月復工撼無綫台慶 Stanley打頭陣 姜濤《季前賽》接力【下一頁】

Stanley自爆讀書年代成績差，當場攬住老師喊，「係考公開試，原本我好有信心！對嗰一科，真係好有信心！我都溫咗好耐書，目標係拎到一定成績...我記得拎成績單時，點解會咁！低咗兩個grade...我好錯愕，直情要覆卷，睇吓點解會咁樣！記得攞住成績表嗰一刻，我即刻攬住我Miss...喺度喊，其實佢陪伴住我成長，佢見到我咁努力，好似同我作戰嘅隊友...Miss都唔明點解（成績）會咁樣，有機會係我喺考試嘅時候太過緊張？呢個經歷我記一世！」

{{hket:inline-image name="11.jpg"}}{{/hket:inline-image}}

{{hket:inline-image name="288907570_174519848326155_8432608074646603727_n.jpg"}}{{/hket:inline-image}}

Frankie@MIRROR分手後搬新屋感煩惱 出Post向網民求助：我無耐性㗎喇【下一頁】

Frankie：「以前讀小學，有去過自然教育旅行，太過空曠，有野生昆蟲，實在太多蜻蜓嘞，好似向我襲擊咁樣！之後我就好驚蜻蜓，好大隻又識飛，飛得好嘈嗰啲，我就好驚！試過中學旅行，都係去自然教育徑，點知我差錯腳，踩咗落去啲泥氹...我唔想畀人知，即刻去厠所，沖番乾淨對鞋，對襪就濕晒嘅，我又冇同人講，跟住就罨咗成日，返到屋企，我成隻腳板都起晒水泡，好污糟又好痛，以後都唔去呢啲地方！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】