江婉穎不滿「霸王條款」退賽港姐 被問「邊度鄉下」為北方佳麗抱不平

今屆《2022香港小姐競選》冠軍由林鈺洧爆冷奪得，亞軍是許子萱，季軍兼最上鏡小姐是梁超怡，而友誼小姐則為邢慧敏。唔少操半鹹淡廣東話嘅北方佳麗都入選決賽，而最引人注目嘅就係「爆炸頭」安徽佳麗徐麟（Astrid），因為佢疑似因為多次要求主持重複問題，被質疑聽唔明廣東話。退賽港姐江婉穎（Wynn）就於小紅書拍片為一眾內地佳麗抱不平。

同場加映：  Summer Girls丨張明偉陳思圻靠自己無悔離巢無綫 節目撼港姐：良性競爭先有火花

{{hket:ul-video id="6643"}}{{/hket:ul-video}}

退賽港姐江婉穎於小紅書拍片透露參選過程，佢指自己去年受老師鼓勵參選港姐，邀請了一位普通朋友作提名人。佢指佳麗抵達現場後隨即換泳衣，予曾志偉同無綫（TVB）高層過目，佳麗在評判前轉圈展示身材和樣貌，現場有多部攝影機拍下面試過程，江婉穎表示：「我真的沒有見過這個陣仗，大家身材都很好。」而評判主要係睇佳麗身材高䠷、長相、以及有冇親和氣質。

{{hket:inline-image name="11.jpeg"}}{{/hket:inline-image}}

江婉穎指評判發問環節問到佢：「甚麼時候來香港？」、「為甚麼來香港？」、「平常喜歡吃甚麼菜」等等。江婉穎認為係為咗考驗佳麗談吐舉止同廣東話發音，江婉穎亦講到如果得個樣過關，粵語水平無法正常溝通，之後嘅比賽環節都會被篩走。

江婉穎因審美理念與評判不符而決定退賽，佢憶述有位佳麗被評判當面批評太肥，一定要減肥，更叫佢減唔到肥就唔好嚟。另外，江婉穎不滿合約「霸王條款」，要求佳麗必須「零合作、零簽約」，唔少本身係KOL嘅佳麗都有合約在身，節目組要求佳麗必須即場打電話解約先可晉級，佳麗之後須馬上簽約。最後江婉穎因合約期太長、起薪低而選擇退賽。江婉穎又批評部份香港傳媒太刻薄，現場聽到某位佳麗有口音就問佢「邊度鄉下」，佢表示：「我覺得超級沒有禮貌。」

唔少內地網民為呢班「漂港」佳麗抱不平，心痛徐麟受氣：「今年用徐麟吸關注度，最後罵聲全她一個受。」、「五強明顯擺佢上台，還不如止步20強10強算了。」有人認為部份內地佳麗被過份吹捧，如徐麟被捧為「翻版苟芸慧」：「到了決賽所有講不標準的佳麗都被笑到飛起。」亦有人解釋被問邊度鄉下未必有貶意，只係問佢哋來自何方，無須過份解讀。