為一場戲減肥3星期 「細龍生」鄭世豪甩30磅肥肉

處境劇《愛•回家之開心速遞》昨晚播出的一集中，「細龍生」鄭世豪明顯瘦了不少，更大曬結實麒麟臂及腹部。世豪接受本報訪問，原來他為了昨晚的曬肌演出而努力減磅，在短短21日減走30磅肥肉，相當厲害。世豪表示拍攝前進行地獄式減肥，每天只食白烚雞、蛋和菜，又努力健身，「主要係cut晒油鹽醬，對我嚟講最難係戒甜，因為我超愛食朱古力，從此改為『全白烚人生』！」

雖然已拍完曬肌戲份，但世豪目前仍努力保持身形︰「依家keep住食清啲。（變大隻型男，老婆最開心？）老婆鍾意肥少少嘅我多啲，因為依家瘦咗嘅我無咁好攬！同埋我戒口嗰陣，其實佢都無啖好食！」