鄭伊健被勸服11月開紅館演唱會 改口話太太蒙嘉慧唔肥係強壯

鄭伊健聽日55歲生日，正式宣布今年11月假紅館舉行六場演唱會，首次在紅館開三面台的伊健，眼見港人過去兩、三年受疫情困擾，故希望演唱會能夠發放歡樂氣氛；伊健又指疫情下很多人變了「疫情肥」，早前揶揄太太蒙嘉慧（Yoyo）「肥婆」的他，改口形容Yoyo只是「強壯」，難道擔心被扭耳仔？

{{hket:ul-video id="6664"}}{{/hket:ul-video}}

相隔近四年再在紅館開騷，伊健坦言這次演唱會計劃已久，只是因疫情一再延期，後來公司經過投票，才決定如期開騷，伊健自爆：「惟獨我一個唔贊成開！」引來全場大笑。「我不嬲都係咁，成日都話不如唔好做，不過今次希望大家有啲娛樂，開心吓，發放正能量畀大家。」首次舉行三面台演唱會，伊健和製作團隊已構思好連串故事，「會有一個主題，圍繞呢幾年嘅世界，希望視覺上做到好似睇緊一套Live電影咁，有少少抽象，會憑歌寄意，係幾得意嘅！」由於早前MIRROR紅館演唱會發生嚴重事故，伊健表示會特別小心，「舞台設計花咗好多心思，但因為有意外發生，大家要好小心，呢樣係一個挑戰。」

蒙嘉慧日本Chill爆瞓公園草地 網民勁羨慕：養到肥肥白白【下一頁】

{{hket:inline-image name="skllme20220922118.JPG"}}{{/hket:inline-image}}

{{hket:inline-image name="skllme20220922115.JPG"}}{{/hket:inline-image}}

{{hket:inline-image name="ekin_white_KV_0930_rgb.jpg"}}{{/hket:inline-image}}

伊健過往的演唱會甚少請嘉賓，他透露今次的未必有，「嘉賓真係未知，騷肌都好少可，其實我每年嘅答案都係一樣，個個都話冇嘉賓又冇騷肌，咁嚟做咩？」太太Yoyo正身在日本讀日文及打理房地產公司，伊健亦希望Yoyo到時能夠抽空返港睇騷。至於完騷後是否立即飛返日本？熱愛日本的伊健直認不諱，「如果得閒，我好贊成大家去旅行睇多啲，呢幾年聽到好多人話想去第二度住，其實可以諗得輕鬆啲，一生人咁長，可以試吓悠長假期，去望吓個世界係咪真係適合自己，係有權去選擇。」

伊健表示除了日本，很多地方也值得去，「芬蘭好多人話好靚，我都想去感受吓，但有啲地方太凍，驚啲骨頭會唔掂，凍嘅時候去夏天地方，夏天又返番轉頭，呢個世界變化得太快，一年比一年快，我哋唔睇嘅嘢可能就再睇唔到，但我哋睇到嘅嘢，就會留喺自己腦裡面。」

百萬人推理︳鄭伊健赴台拍劇「浩南哥」超受歡迎 同劇演員勁興奮：演電線桿都願意【下一頁】

明天便踏入55歲的伊健，平日會踩單車及行山保持體能，被讚身形fit的他笑言只是假象，「疫情後大家都患咗『疫情肥』，睇住啲人個個變晒樣，但佢又唔知喎！大家每日出門都戴住口罩，又唔做運動，但健康係好重要，所以都應該要keep番好。」Yoyo曾在社交網投訴被伊健揶揄太肥，伊健卻詐傻，「無呀，佢強壯啫，有分別嘅，我好坦白，肥就係肥，強壯都係好事，但強壯後唔再操就變肥，你明唔明？」

{{hket:inline-image name="52038648_382114962341573_5432343018481334487_n.jpg"}}{{/hket:inline-image}}

{{hket:inline-image name="ekin_gold_KV_0930_rgb.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

攝影：林良明
撰文：倪小珊
責任編輯：楊安莉