美麗戰場︳陳瀅擔正演阿寶挑戰視后寶座？ 蔣家旻演賤格細妹搞師生戀

陳瀅近期人氣相當犀利，劇集一套接一套，《痞子殿下》剛於9月頭播畢，下周一（10月3日）新劇《美麗戰場》又推出。此劇貴為無綫台慶劇之一，陳瀅擔正主演女主角鍾家寶，由10幾歲𡃁妹做到30幾歲當紅女星，演技發揮機會極多，加上是著名電影導演葉念琛的首齣電視劇，可觀性大大提升，有傳這是無綫的安排，助陳瀅挑戰今年視后寶座。

{{hket:inline-image name="09301001.jpg"}}{{/hket:inline-image}}

{{hket:inline-image name="09301005.jpg"}}{{/hket:inline-image}}

同場加映：黯夜守護者丨區明妙循亡父教導選擇無悔的路 18歲起財政獨立望照顧好媽媽

{{hket:ul-video id="6644"}}{{/hket:ul-video}}

9月初播完的《痞子殿下》，由陳瀅同周嘉洛、王灝兒、朱敏瀚及張頴康等合演，由於反應極好，無綫已宣布開拍續集。當中陳瀅相隔一個月又有劇出街，在台慶劇《美麗戰場》內擔正做女主角，可謂繼續保持人氣，加深觀眾對她的印象分，有助年尾挑戰視后寶座。《美麗戰場》是電影導演葉念琛的首齣電視劇，他擔任編審、導演及監製之職，足見其重視程度；而女主角陳瀅的戲份甚重，由10幾歲做到30幾歲，考驗演技。

美麗戰場│陳瀅擔正台慶劇女一坐望視后 蔣家旻罕有谷胸演奸角迎戰【下一頁】

葉念琛在製作特輯內表示：「今次係我第一次拍劇，細個睇好多TVB劇，好鍾意睇80、90年代恩怨情仇嘅劇。曾志偉問我有冇興趣嚟TVB拍劇，我話有興趣，不過就好想拍煽情、恩怨情仇嘅劇，於是我將過往睇過咁多劇嘅元素，擺晒入去《美麗戰場》。女主角『阿寶』鍾家寶就搵咗陳瀅做，角色會經歷好多唔平凡變化，而陳瀅畀到我佢有呢方面嘅潛質。」

痞子殿下丨劇集口碑好無綫迅即籌備拍續集 周嘉洛等四大主角搞粉絲聚會：太開心【下一頁】

陳瀅說：「今次挑戰真係幾難，首先係年齡跨越，由10幾歲到20幾歲、30幾歲，要有好明確分別，10幾歲嘅𡃁妹要有佢嘅天真、純真，越嚟越大個會經歷唔同嘅嘢，令佢會有黑暗嘅一面，會有自私一面。」劇中陳瀅一度步入黑暗，跟無血緣的妹妹鍾家琪（蔣家旻飾）有關，她說；「我就好錫呢個妹，盡量做好家姐嘅本份，佢要咩就幫佢、畀佢，透過琪琪呢個角色，令到阿寶發覺就係對一個人幾好，都唔係代表佢同樣會咁對番你。」

（↓點擊放大睇圖片↓）

蔣家旻直認角色又衰又賤，「性格係冇咩人性，好多狗血嘅嘢都係我搞出嚟，葉念琛嘅劇本同對白好幫到我角色，真係寫得好衰、好賤格。可能頭幾集已經好盡，大家睇到我呢個角色搞師生戀，會去呃佢啲錢......琪琪嘅人生觀想法係睇錢，陳家輝（劇中老師）我細細個已睇佢做戲，今次拍一啲親熱戲都有啲尷尬……」預告中見到蔣家旻同陳家輝有咀嘴場面，又勁囂張鬧爆陳瀅。葉念琛形容蔣家旻的角色是喪盡天良，同陳瀅爭鬥戲會給觀眾好大驚喜。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】