王瑋彤星途不及視帝大佬王浩信 載浮載沉兼做保險變公司生招牌

視帝王浩信有個細七年、32歲嘅胞弟王瑋彤，2015年王瑋彤參加藝員訓練班，可惜未能成功入圍，直到2016年再參加香港先生，入圍後卻因為健康問題退選，不過王瑋彤未有放棄明星夢，不斷都有爭取機會拍劇唱歌。星途一直載浮載沉嘅佢近年重操故業投身保險界，高大有型嘅佢早前上載同一班同事嘅合照，可以話係鶴立雞群！ 

同場加映：曾慧雲熱愛拍戲演閒角一樣開心 拍拖廿幾年不結婚視毛孩為兒女

{{hket:ul-video id="6676"}}{{/hket:ul-video}}

王浩信兄弟都係喺美國讀大學，阿哥讀設計，而王瑋彤就讀商科。大學畢業後王瑋彤曾經投身銀行同保險界，不過因為朝9晚5嘅工作太刻板，又見哥哥喺娛圈發展得唔錯，於是決定把心一橫入娛圈發展 。

{{hket:inline-image name="272369697_10159890554307089_7611354178889548491_n.jpg"}}{{/hket:inline-image}}

王瑋彤曾喺無綫多套劇中做大配角，總算半隻腳踩入行。可惜喺無綫撈極無起色，又轉投ViuTV，喺劇集《熟女強人》中做大茄都照殺。不過據知王瑋彤已經重投保險業嘅懷抱，王瑋彤不時都會喺社交平台為自己嘅保險事業做宣傳，早前佢就上傳咗一張同一眾同事嘅合照，透露自己第一次為公司影相。相中嘅佢笑得相當燦爛，喺同事中仲係最高大靚仔嗰個，非常突出，相信佢呢個sharp醒嘅外形都會有助佢保險事業，更有朋友留言話佢係公司生招牌，一啲都冇誇張呀！

不過佢仍然有上載自己灌錄歌曲嘅片段去社交平台，繼續追尋自己嘅演藝夢。唔少人都好奇王浩信有冇喺演藝事業上扶細佬一把，其實兄弟二人相差七年，王瑋彤曾經講過細個覺得同阿哥有代溝，不過愈大愈似朋友，王浩信更畀咗好多建議佢，不過好多時都只會畀意見不會唔會出手幫。