聲夢傳奇2丨曾志偉為錫錫大馬女模親自解畫 「錫面珠墩都係禮貌嚟呀嘛」

無綫總經理（節目內容營運）曾志偉今日被傳媒踢爆他為1.8米馬來西亞女模特兒黎峇菈慶生，唱生日歌之餘更主動吻賀對方，影片流出後獲得洗版式瘋傳，而曾志偉今晚出席《聲夢傳奇2》決賽直播，將負責頒獎給今晚的冠軍人馬，到達場地後的他心情大靚，擺多個甫士拍照，更大方接受訪問回應事件。

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

【影片流出】曾志偉為馬來西亞模特兒慶生 興奮俯身吻賀1.8米高壽星女【下一頁】

{{hket:inline-image name="tsnag4.jpeg"}}{{/hket:inline-image}}

曾志偉被問到心情有沒有被影響，他表示：「我唔覺係咩大件事，琴日咁啱試魚子醬一個會，得幾個人，食完之後大家傾偈，有啲朋友知道我哋上咗嚟，就搵我哋飲酒，佢哋話有朋友生日，個朋友願望就係想你同佢唱生日歌。我上去都係禮貌，唱完歌錫面珠戥都係禮貌嚟呀嘛！（佢要求？）唔係，我覺得係禮貌嚟嘅！」他表示自己不以為意，今朝一早起身好多朋友打電話給他，所以認為有需要跟大家澄清，他指影片清楚睇到只是錫面而並非錫嘴。

曾志偉表示本身根本不認識該女生，亦不是為她慶祝生日，「係佢朋友帶我上嚟，（惹爛桃花？）唔關我事，無辦法啦我哋係新聞人物，呢啲我哋都見慣（被利用造新聞？）都係咁啦，自己相熟就慣咗唔會放上Facebook咁樣，佢唔知傷害性同新聞性咁大，我自己真係唔覺得咩大件事，我係一個藝人，人哋想你一齊唱生日歌，呢啲成日都有（發生），結婚生日都成日叫我哋上台唱歌咁！人生就係咁，你個心冇乜嘢，就唔會當係咩一回事。」他表示如果任何人牽涉這件事，他都感到不好意思，被問到將來會否避忌？「你哋如果身有屎咪覺得有問題，我唔覺得係一回事。」

聲夢傳奇2丨Kiele確診缺陣隔離中應付決賽 XiX否認獲厚待：比賽公平【下一頁】

{{hket:inline-image name="tsnat5.jpeg"}}{{/hket:inline-image}}

直至決賽前，最高人氣的三位是Jasmine、Sabrina同Janees，而一向大受歡迎的XiX慘跌出三甲位置，所以XiX成員用盡方法在最後臨開騷前，IG出Post呼籲大家投票支持自己。Eric Kwok大讚Jasmine好適合娛樂圈，而XiX是相當有正能量，香港亦需要一個這樣的女團，他坦言自己難免會私心「紅隊」的隊員。

炎明熹坦言心情興奮和開心，「企喺呢個舞台但換咗另一個身分，感覺好奇妙，我由琴日到今日都係話著住戰衣，站上自己舞台，最重要係享受。」她坦言氣氛感覺重回去年做參賽者的感覺，炎明熹表示XiX成員入面有自己的師妹，所以私心都會特別看好XiX。

{{hket:inline-image name="bd25ff8a-3286-4eed-9721-7f230a3342e8.jpg"}}{{/hket:inline-image}}

{{hket:inline-image name="179101dc-ef08-4b23-8bcc-a07a732df4d4.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉