聲夢傳奇2丨Janees揚言一向穩定衰未Ready？ XiX疑似黑面 網友戥Sabrina唔抵

《聲夢傳奇2》總決賽昨晚圓滿結束，冠軍由年僅16歲的任暟晴（Jasmine）奪得，而亞軍、季軍分別是黃洛妍（Janees）和趙紫諾（Sabrina），一直有傳獲無綫厚待「保送」的XiX則與趙小婷齊齊得到優異獎。本屆決賽五位參賽者實力相近，賽果極具爭議性，有網友認為Jasmine只是贏「選美」，仲有大批網友戥實力非凡的13歲Sabrina唔抵。

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

聲夢傳奇2丨人氣王Jasmine撼贏大魔王Janees 年僅16歲「翻版全智賢」最終奪冠【下一頁】

{{hket:inline-image name="hh.jpeg"}}{{/hket:inline-image}}

{{hket:inline-image name="hbaf.jpeg"}}{{/hket:inline-image}}

{{hket:inline-image name="uuyy.jpeg"}}{{/hket:inline-image}}

眼利的網友留意到大會公布最後兩強時，XiX同Sabrina都是最高分22盞燈，本身信心滿滿又換好造型準備下一輪表演，可惜最終因為觀眾投票分不足，未能晉身決賽；當時XiX全隊難以好好管理表情，失望到即時呆，其中莊殷玥（Vici）同劉芷君（Aster）疑似黑面，使網友議論紛紛。幸好，開心果繆昀希（Charlotte）以笑容鼓勵隊友，XiX好快調節心情，笑面迎人。其實以13至15歲小小年紀而言，應付學業同時要參與如此大型的比賽，能夠走到最後都不容易。

聲夢傳奇2丨曾志偉為錫錫大馬女模親自解畫 「錫面珠墩都係禮貌嚟呀嘛」【下一頁】

而一向被視為「大魔王」Janees唱歌實力毋庸置疑，不過評判指她最後一戰失手。Janees接受無綫娛樂新聞台訪問中卻不太認同，「我個人一路以來都好穩定，唔知呢...可能未Ready？因為未知咁快就要唱，一下子推咗我出場，仲要係我唔擅長嘅跳舞。」後來的訪問她再解釋：「對賽果冇失望，我有啲失落係因為好多人支持我，我人生最怕係令人失望，賽果...我心目中唔係睇得咁重！（輸邊方面？）覺得演唱第二首歌唔係咁穩定，雖然平時嘅我好穩定，但一次唔穩定就唔穩定，我唔會拎嚟做藉口。（評判話你over咗？）唔係！所有嘢好突然唔知點反應啫！」

{{hket:inline-image name="final26.jpg"}}{{/hket:inline-image}}

{{hket:inline-image name="rfr.jpeg"}}{{/hket:inline-image}}

得到季軍的Sabrina實力非常之強，她唱《說散就散》的網上點擊率，冠絕所有參賽者的歌曲。昨晚她自彈自唱十分厲害，網友斥無綫不公平，「歧視Sabrina廣東話唔好」，她完騷後接受訪問時爆喊解釋，剛與學員好友江廷慧（Vivian）見面，相擁而泣，她說：「啱啱見到Vivian忍不住，佢對我好好！（滿意賽果？）對自己表現非常滿意，對得住自己同其他人，（衰在廣東話唔叻？）我一定需要努力，我一定會努力學好。」贏得冠軍的Jasmine坦言，勝利的感覺很不真實，加上連日來壓力大，睡眠質素差，導致滿面粒粒，「完成比賽後最想好好瞓一覺」。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉