陳安瑩拒靠契姨媽鄧碧雲入無綫 拍拖近半世紀：有第二個我唔傷感

現年61歲的陳安瑩，中五畢業後投考1979年第八期無綫藝員訓練班，同班同學有湯鎮業、廖啟智、景黛音、李成昌、艾威、吳博君、廖駿雄、周秀籣、黃造時等等。當年由於陳安瑩爸爸是一名洋船船長，差點令女兒做不成演員。

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

{{hket:inline-image name="11.jpg"}}{{/hket:inline-image}}

{{hket:inline-image name="41.jpg"}}{{/hket:inline-image}}

早前，陳安瑩接受《香港演藝人協會》訪問，指當時爸爸認為她要到外地讀書，不應該留在香港，「我考到訓練班、簽約嗰陣時，我係慶幸爸爸唔喺香港，如果爸爸喺香港，佢一定唔會畀我簽TVB，同埋佢一定唔畀我讀訓練班。」

順利入了無綫，陳安瑩坦言一定是憑自己的實力，絕不靠人事關係，因為陳安瑩媽媽是鄧碧雲媽媽的契女，所以她叫鄧碧雲做「碧姨媽」，6、7歲時又跟關德興上契，所以她老早就已認識一班大人物，如何非凡、梁醒波、李寶瑩和林家聲，她笑說：「當時『碧姨媽』拍緊《季節》，離遠見佢喺廠頭，我就喺廠尾走，一路都冇人知我同佢嘅關係，過年過節去佢屋企，佢會同我阿媽講『點解我眼尾睄到佢，佢就走咗嘅？』可能佢知道我唔想畀人知道我哋嘅關係。我由10幾歲開始反叛，所以有咁嘅心理，因為我唔想靠人事，所有嘢都係靠自己打拼。喺我立場，我冇介意過演乜嘢角色，我覺得我係對工作盡責嘅人，我冇野心，如果我有野心，我就唔係而家嘅我，如果你嗰1%發揮到光芒，就已經蓋過嗰99%。」

《獅子山下》50周年│陳安瑩登六仍活躍演戲未言休 與黃淑儀李影韓馬利大鬥戲法【下一頁】
回憶昔日在訓練班的日子，陳安瑩指師資很好，可以學配音，她說：「我最記得第一句對白就係配《Popeye》卡通，寶鈿姐（資深配音員龍寶鈿）叫我要注意，配打戲唔係下下都『嘿』，要知道邊下用力，幾時發力。朱子聰（資深配音員）對我嚟講係傳奇，兩個男女主角喺沙灘漫步，去到石邊坐低傾偈，佢叫我唔好望住個口配，望住佢對眼配，配完嗰刻，我就話『聰哥，我要記住呢個感覺！』。」陳安瑩曾為郭錦恩、《赤裸羔羊》的邱淑貞、楊紫瓊、卡通片《足球小將》的戴志偉、《Keroro軍曹》的日向冬樹、《美少女戰士》的Sailor Venus等角色配音。

好聲好戲｜「傻姑」陳安瑩一配三勁屈機 「懶音王」馮盈盈爆冷獲正評【下一頁】

{{hket:inline-image name="42.jpg"}}{{/hket:inline-image}}

與男友拍拖40多年，至今仍未結婚，陳安瑩認為每個階段有不同火花，「你缺少一樣嘢，唔代表冇嗰99樣嘢，我覺得無所謂，我都鼓勵，如果有第二個，我唔會傷感，楊羚阿公係劉克宣，佢有4個老婆，楊羚話佢哋4個好融合，阿大打牌去唔到湊佢，阿二就話『我幫你去。』我問佢『冇嗌交？』佢話『冇㗎，我哋細路仔點會唔知吖！』我後生嘅時候，做過好多次伴娘，佢哋話嫁唔去，哈哈哈！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】